「尖地恒」即係點解？
早前一集講及「尖地恒」的話題。森美分享，當年手提電話（手機）還未盛行和普及的年代，大家普遍上較為有耐性，約朋友出街純粹「講個信字」。為什麼是「講個信字」？因為沒有電話通訊，約朋友出街都是見面或用家庭電話通話，約好日子時間地點，就是「到時見」。
冇手機約出街純粹「講個信字」
森美說：「廿幾年我哋真係有耐性啲，約女仔出街，喺街等女仔，半個鐘係基本。」阿正：「仲要冇電話，真係講個信字。」森美：「『尖地恆』等兩個鐘頭，你只會行去打一打電話去佢屋企，冇人聽喎，就係出咗門口啦。總之就等到你嚟。」阿正一聽到「尖地恆」這三個字，就冒出一個問號。阿正：「你呢個字都好少聽到，『尖地恆』，尖沙嘴地鐵恆生？」森美：「係呀。」阿正：「哦⋯⋯」森美：「我哋呢啲係史前說話啦。」
阿正倡復興縮寫潮語
阿正表示，「尖地恆」其實十分有型，有格調，更言：「其實要推返出嚟！」森美又言：「廣三囉，我哋以後廣三見！」（廣三即是廣播道三號）不過，阿正又笑着說：「好核突，哈哈哈。」森美十分不滿：「頭先又話要搞返，而家又話好核突。幫我剪返頭先嗰句出嚟！」Elsie就幫口：「佢話搞返，不過嫌你改得唔好聽啫。」
森美自創「廣三」被彈核突
阿正：「廣商得唔得呀？」森美接着說：「廣播道都有教堂，廣教都得。我哋唔好咁自大。」Elsie「突破盲腸」，說：「冇話自大喎，柴地恆都係地方名啫。」森美亦即時更正：「好，我收返！」引來黃正宜和呂珮琳的熱烈掌聲。如果照相同邏輯的話，同區另一個地標是否應該稱為「尖海旗」？
本文作轉載及備份之用 來源 source: http://www.hk01.com
|
鍾意就快D Share啦！
|
|
|
