曾拍飛虎戲溺水險死
歐瑞偉回憶有次為飛虎隊角色擔任替身，跳落水後腳部不慎被繩繞住，隨即被開動的船隻拉入水底。他形容當時水壓大且流速急，自己在水底受困近一分鐘，體力耗盡下一度感到絕望：「我開始放棄，因為冇力，奇怪嘅是，畫面回到小時候，一幕一幕咁，見到爸爸媽媽、所有家人，每一件自己認為重要嘅事喺畫面中出現。」幸好最後及時獲救：「休息過後，食完飯我又再拍，當時我唔覺得恐怖，因為已經放棄，冇晒氣力，嗰段時間我同死亡最接近，即使拍跳樓戲，都未經歷過呢種恐懼。」
墮馬受傷撞石忍痛開工
歐瑞偉在邵氏訓練班時曾發生墮馬意外。當時他所騎的馬匹失控衝出，導致他整個人從馬頸飛出落地，腰部直撞石塊。他形容當時馬蹄差點踩向自己，險象環生。為了不影響拍攝，他忍痛堅持工作：「我剃光咗頭在拍少林寺嘅戲，戲份係我由頭坐到尾，一直坐到晚上六點先去睇醫生。」
目擊同門失手致半身不遂
談到武師這份高風險職業，歐瑞偉感觸良多。他憶述曾有一位師兄在雨天拍「跳樓」戲，因地上的紙皮盒濕透用帆布遮住加上舊患影響，跳出時不慎挫傷頸部。他目睹對方失手，最終導致半身不遂，至今仍需坐輪椅。他慨嘆武師生涯充滿變數，每一分錢都是血汗錢：「其實做武師， 冇事就冇事，有事真係唔識講，全部都是搵命搏。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
