熱爆娛樂: 東張西望︱移居加拿大容羨媛控訴心血一夜被清空　遭丈夫嘲笑：返香港做《東張西望》 #東張西望

2026年3月7日星期六

東張西望︱移居加拿大容羨媛控訴心血一夜被清空　遭丈夫嘲笑：返香港做《東張西望》 #東張西望

▲前《東張西望》主持容羨媛直播控訴IG帳戶被取消。

【容羨媛 / 東張西望 / 移民】前《東張西望》主持人容羨媛（Fion）在前年9月離開效力16年的TVB，一家移居加拿大溫哥華生活，容羨媛在當地主力經營社交平台及YouTube頻道，與粉絲分享生活點滴，努力經營下，IG帳戶超過2萬粉絲。

可是容羨媛在昨日（3月6日）於個人Facebook發文無奈表示，在她生日當日收「大禮」，IG突然被停用，寫道：

Thank you for all the birthday blessings! 我知大家IG message 唔到我，見唔到我story, 見唔到我post, 就算搵我IG都搵唔到，因為我無啦啦被disable 咗個IG!

生日訓醒無啦啦個IG log out咗，之後一login返就見到呢個message，我冇post過任何違反Standard嘅嘢，最後post嘅就係同老公嘅相同埋食湯圓嘅story，瞓醒一覺就冇咗個IG Account，而家無論咩方法都聯絡唔到Facebook或者IG去攞返自己個Account，我明明有藍剔俾咗錢，有身份認證，但係佢乜都冇通知就突然間delete咗我個Account。

▲容羨媛移居加拿大前，在tTVB主力主持《東張西望》。

東張西望︱容羨媛IG帳戶「死亡」

容羨媛續指，已問嘗試多個方法，可是也未能令個人IG帳戶「復活」，稱：

已經問過AI試過好多方法，亦都喺Facebook IG嘅Meta嗰度seek help, 但係最後都係得AI回覆，而且AI都話佢有嘅辦法當中都冇嘢做到，亦都幫唔到我聯絡真人處理。我覺得我個case係好唔正常，因為如果違反Community Standard正常係應該會有個reference Number或者可以appeal, 但我係乜都冇！我嘗試report我係被hack，忘記密碼，任何方法都試過，但係結果都係一樣，login 之後出返同一個畫面。而家我冇任何選項可以做到Recovery！
有人suggest 有藍剔可以搵真人support, 啱啱我喺Facebook再俾錢申請藍剔（因為佢del 左我藍剔IG account 連Facebook 都冇埋藍剔），但結果都係一樣，只有AI回覆！



▲容羨媛一7家移居加拿大。

東張西望︱直播情緒激動流崩

最後，她向網民求救，稱：

大家試想，如果IG有error會無啦啦delete咗一個人嘅Account，其實任何人都有機會，如果呢件事發身喺你身上，你會點？

如果各位有任何方法，希望可以幫幫我，呢個就係我今年嘅生日願望！😭

無左IG Account ，求大家幫幫手！

同時，容羨媛也在YouTube直播無奈表示：「我真係喊咗出嚟呀，點會咁……點可以突然話冇就冇，唔畀上訴，唔知死因係咩。」

她在片中更情緒激動數次落淚，哽咽表示完全不知自己違反哪條規則，回憶最近分享的IG帖文只是發布慶祝元宵節吃湯丸等照片，並沒敏感內容，指IG帳戶不只是與粉絲互動和工作的平台，更有她多年與家人的生活回憶，表示：「咁而家話冇就冇，我要由零開始？我裏面做咗啲我覺得自己幾好嘅片，有100k、200k、300k view 嘅，嗰啲全部冇晒，全部過眼雲煙！我今日係我生日，究竟個天想俾一個咩 message 我呢？係咪想俾一個 message 話我聽啲咩呢？我就去諗、去反思，究竟 IG 喺我哋...人生、social media 啦，喺我哋人生當中係...點樣？」同時，她擔心影響已簽訂合作。

▼點擊圖片放大

東張西望︱丈夫建議報《東張》

容羨媛也自責接子女放學時，告訴了他們這壞消息，說：「我見到啲小朋友，佢哋好開心見到我生日，然後我講一樣好唔開心嘅嘢。我就諗，我點解咁開心嘅生日，要俾一件咁樣嘅事影響到呢？呢一個係一個 social media，一個 IG，一個...虛無嘅嘢嚟嘅。我點解要因為呢啲唔實在嘅嘢，而影響到我真實嘅生活呢？我最重要嘅人就係我身邊我唔應該因為呢啲嘢，而忽略咗我擁有嘅嘢。」

她表示：「我已經知道我最重要係咩啦，可唔可以俾返個IG account我呀！」不過容羨媛丈夫卻取笑說：「聽日可能YouTube都冇埋呢」，此外更開玩笑稱：「返香港做《東張西望》囉」、「上《東張》得唔得呀，《東張》幫唔幫到手？」容羨媛破涕為笑稱：「轉頭WhatsApp《東張》嘅同事可唔可以幫我」

▼點擊圖片放大