無綫小花戴祖儀最近推出首支個人單曲《成長是個陷阱》，這是她中六考DSE期間創作的歌曲，現在成功面世，可謂別具意義。戴祖儀專程赴韓拍攝MV，卻因自肥闖禍，最後更要自掏腰包重拍一次！
藝人戴祖儀（Joey）最近推出個人單曲《成長是個陷阱》，唱過不少劇集、節目歌曲的她，感嘆今次終於有一首「我的歌」，更透露該曲意義非凡：「呢首歌係人生第一首完成嘅作品，喺中六考緊DSE嗰陣作嘅，因為屋企好嚴格，對學習好注重，每日返到屋企就對住4幅牆溫書，雖然自己都好想有好成績，但內心難免會有憤怒，點解人生只能夠不斷去衝分數，想有其他可能性，抱住叛逆去寫呢首歌。」
新歌MV原本已在韓國完成拍攝，卻因Joey自肥惹禍，要在香港重拍，她笑說：「呢首歌嘅MV其實係拍咗兩次，因為公司有Budget畀我去拍，咁就梗係自肥，同導演去咗韓國，仲搵埋韓仔去拍，拍得好開心，畫面好靚、好浪漫，但拍完先醒覺首歌係勵志歌，同愛情畫面唔夾，咁就自肥自出禍，結果要自資再拍，韓國嘅鏡頭留番下一首情歌先用。」她笑指此事讓自己明白自肥也要有限度。
對戀綜敞開懷抱
Joey多線發展，既拍劇又做主持，難免讓歌手形象變得模糊，去年她為無綫節目《女神配對計劃》創作兼獻唱的主題曲《女神戀愛腦》讓外界耳目一新，她希望今年可以多出歌，穩固歌手形象。而單身的Joey被問到會否爭取福利參加《女神配對計劃2》？她笑說：「節目組一路都有問我有冇興趣參加，自己就睇檔期，同埋當時有冇拍拖，如果冇拍拖又有檔期，咁就冇藉口唔參加，唔可以推Job嘅。」
場地：香江花月（佐敦）
本文作轉載及備份之用 來源 source: http://hk.on.cc
|
鍾意就快D Share啦！
|
|
|
