無綫戀綜真人騷《女神配對計劃》去年推出第一季叫好叫座，相隔一年，《女神配對計劃2》載譽歸來，繼續有五大女神級藝人公開招攬追求者，廣邀全球自覺有條件有膽色男士加入追女神行列。無綫官網今午（16日）12時正式公布五大女神名單，分別係郭珮文（Juliana）、陳若思（Amber）、俞可程（Kanis）、阮嘉敏（Mandy）及何沛珈（Roxanne）。大會同時公布五大女神基本個人資料、戀愛特點及MBTI，力Sell五大女神。
五位女神之中年紀最輕係郭珮文，25歲嘅佢一參選港姐入行，素有「港姐大騎樓」之稱，身材非常澎湃，嗜好相當另類，愛「研究骨相」。憑劇集《正義女神》「癲瘋」演出人氣急升嘅陳若思，對於戀愛要求竟係認識男朋友前要先睇八字，相當特別。
另憑「驚世」魔音極速入屋嘅俞可程，同郭珮文一樣係港姐界性感女神，不過外表Lady嘅佢都好男仔頭，聲稱能與任何類型男士好好相處，與其「獨立得嚟好黐身」嘅自我描述一樣充滿矛盾但有吸引力。
以上三位均為今屆女神I人代表，而剩下兩位E人代表，則偽阮嘉敏及剛剛回覆單身嘅何沛珈。之前曾公開承認已單身數個月嘅何沛珈，係5位女神中最高佻，有170cm身高，唱歌、跑步、散步、打坐、睇戲、跳舞全部都啱，動靜皆宜。觀乎「戀愛特點」，Roxanne亦相當賢慧，講明「鍾意照顧另一半」。
今年年初憑內地微短劇《瘦一斤，賺一斤，虐哭前任不過癮》人氣勁升嘅阮嘉
敏，單身1年半，不過Mandy擁有持家特質，嗜好係做家務及洗碗，被指可列入賢妻之選。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
