李錦聯「淪落」做舉牌？
從網民的片段中可見，在車水馬龍之中，李錦聯身穿淺錄色廚師服，頭上戴着一個咪高峰，拿着一個兩米高「水牌」在叫賣。雖然入場市民大多數都低頭走路，忙於自己的事，但在人群之中，李錦聯也相當醒目。
網民撐企舖自己sell冇錯
該位網民也寫道：「試食展見到舉牌人鬼鬼祟祟，細細聲叫人過嚟睇吓，再望真原來李錦聯。做都市閒情都唔夠，要出嚟兼職。」有網民指正，現在《都市閒情》已更名成為《流行都市》，也有網民笑言想知「死對頭」大王安德尊看到後有甚麼想法，更表示想召喚安德尊：「可惜大王唔係現場」。有人慨嘆李錦聯做舉牌是基層工作，也有人反駁：「佢算係香港初代帶貨人，真係自己去企舖自己sell。喺香港親力親為就叫放下身段㗎咩？」
昔日名廚絕非「淪落」！盤點李錦聯離巢後餐飲版圖
其實網民的力撐不無道理，李錦聯（Ben師傅）自 2016 年底約滿離開無綫（TVB）後，絕非外界所指的「淪落」，反而將全副精力投入自家餐飲與食品生意。他過去受訪時曾坦言自己「鍾意工作，冇嘢做咪死火」，十分享受忙碌的步伐。回顧李師傅近年動向，他積極拓展個人餐飲版圖，先後在紅磡經營錦聯食坊、與友人在佐敦開設酒樓嘉彩漁村，2019 年更夥拍太太進駐深水埗西九龍中心主理Ben哥廚房。
除了實體餐廳，李錦聯亦具備敏銳的商業觸覺，近年看準懶人料理與網購市場，主力發展工場急凍食品製作，主打他拿手的炆燴菜式，客人買回家加熱即可還原九成風味。這次他身穿招牌淺綠色廚師服在試食展親自舉牌，正正展現了他身為老闆「親力親為」推廣自家品牌的營商哲學，與當年《都市閒情》中那句金句『靠得住！』如出一轍。將此舉解讀為基層兼職，實屬對這位初代帶貨人的誤解。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
