即將於5月到佛山舉行音樂會的藝人劉佩玥，前日（4日）率先在當地舉行粉絲見面會，身穿短裙晒腿現身的她，在台上不停擺心心甫士與粉絲打招呼。期間她提到早前參加無綫歌唱真人騷《中年好聲音4》的感受，當時以蒙面藝人「貓女郎」出戰的她，笑言最大感悟是：「唔好驚！」她指踏出第一步時難免會有憂慮：「會諗過程入面會有好多唔同聲音、負面評價，會唔會啲人唔鍾意呢？但呢個係對自己嘅鼓勵。」
她續笑說：「我好鍾意嘗試，自己面皮都比較厚，如果因為其他人一兩句負面評價而唔去做一樣嘢，會覺得好對自己唔住，所以只會諗自己想唔想去做？對熱愛嘅嘢要付出幾多？唔好被限制，一定要勇敢去行第一步！」事後有不少粉絲在網上分享活動片段，並讚劉佩玥真人不比上鏡差，不過亦有網民指髮型不太適合她。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
