《尋秦記》電影版一眾主演昨晚（7日）出席謝票場 ，林峯表示為在《九龍城寨之終章》中連戲而需把皮膚曬黑，並指目前已為動作戲訓練了一個月，又透露自己腿部一直留有舊患：「我有去照個膝頭，一路都有啲問題，照完原來我右邊膝頭十字韌帶冇事，反而個菠蘿蓋穿咗個窿，唔知以前點整親，啱啱好係上落樓梯食力嗰個位。（要點好番？）冇得搞，食止痛藥囉，我都有打嗰啲啫喱，幫到少少囉。」他續指自己以往受傷後沒有妥善處理，因此不斷積聚不同傷患，而運動員出身的朱鑑然亦表示自己以往都傷過肩膊、頸部及腰部等，幸好現在都沒有大礙了，感慨運動前需做好熱身和拉筋。
提到凌晨會與粉絲一同收看劇集版《尋秦記》的大結局，林峯表示未試過那麼夜在商場與粉絲睇大結局，回想上次睇大結局已是《溏心風暴》的時候，但當時亦不是凌晨的時段，因此笑言自己收到活動通知感到少少驚訝，幸好平時拍戲經常到深夜，所以作息方面未有不習慣，他又指今次應該是最後一次參與《尋秦記》謝票活動，因之後要投入新戲拍攝，希望票房方面可以再衝一衝，達到一億的目標。
此外，提及有指無綫有新制度，強制旗下藝人交出社交平台密碼由中央管理管理，林峯表示自己已非在無綫工作，但認為可能他們有自己的一個制度，問到會否覺得專制？他說：「我唔知喎，因爲我都冇了解過件事。（陳煒話覺得可以幫助爭取宣傳效益？）我相信每間公司都會為自己藝人爭取一個最好嘅平台利益，可能大家可以共用資源。（唔會冇咗私隱？）本身藝人就係喺公衆嘅層面，可能佢哋有自己嘅考量。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
