席間，黃建東獻唱一曲《平安郁》牙齒健康版帶動現場氣氛，更獲大會宣布委任為本年度「葵青健康大使」，代表向葵青區居民宣揚健康訊息，鼓勵大眾「早預防，早發現，早治理」，他說︰「成日話健康係人生最重要嘅財富，擁有強健體魄先有本錢追夢，活出快樂人生，所以千祈唔好諱疾忌醫，最好定期檢查，守護好自己嘅牙齒同身心。」當日，現場特設多個健康攤位活動，黃建東亦趁機參與護齒小遊戲，並進行肌少症風險評估、免費醫生諮詢等，了解自己的身體狀況。
談及重拾健康體態，黃建東坦言兩年前體重不斷攀升，最高峰達217磅，導致身體機能失調：「嗰時膽固醇接近超標，食親飯都包尾清盤食極唔飽，懷疑係糖尿病前期徵狀，我唔想咁後生就要長期打針食藥。」面對健康危機，加上希望以最佳狀態拍攝人氣劇《正義女神》及真人騷《福祿壽訓練學院》，黃建東決定扚起心肝減肥，最終透過改善飲食習慣、保持恆常運動，成功揈甩30多磅贅肉，各項身體指數亦恢復正常。
最近，黃建東不僅愛上跑半馬拉松，本月中更首次挑戰Hyrox大型室內健身賽，「同朋友參加接力賽，我負責推雪橇和藥球投擲項目，雖然比以前Fit咗好多，但體能和耐力依然係隊中最弱嗰個。練習時表現唔太理想，好擔心連累佢哋，大家仲笑話一個半鐘內完成已經算執到，點知我哋1小時29分完成，開心到癲，真係不枉我之前努力鍛鍊。」並盼能持續勤力操練，下次挑戰室內健身雙人賽。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
