年逾60歲的古明華從影多年，醉心演藝事業的他畢業於演藝學院，過往演繹過不少膾炙人口的經典角色，最令人津津樂道的，莫過於2012年他憑劇集《巴不得媽媽》中「蘇基」一角演繹得淋漓盡致，成功在《萬千星輝頒獎典禮2012》上奪得最佳男配角。不過，風光背後卻內含洋葱，由於女兒在10歲時確診患上腎小球炎症，每月要重用過萬元的醫療費，加上太太曾遇上車禍，產生後遺症令她不便行，古明華需要獨力孭起家庭重擔。
古明華咬緊牙關作多線發展，身兼演員和配音員，曾試過連續工作50小時，雖然收入增多，但令本身患有糖尿病的他卻捱到肺病，2016年他因肺結核住院3個月。2020年年初他又因為急性膽囊發炎要緊急入院做手術，需要切去整個膽囊，足足休息了三個星期，但又立即為ViuTV真人騷《中佬唔易做》開工，相當專業和搏命。兩度經歷大病的他，2020年決定離巢外闖，北上發展求更多機會。2020年他離開效力了26年的TVB轉戰內地發展。初期不時拍片做直播帶貨，其後更進軍飲食業，分別在江門、台山開餐廳，以港式茶餐廳模式營運，他更親自落手落腳打點一切，積極拍片做「生招牌」宣傳。
早前，古明華受訪時坦言目前餐廳仍在蝕錢階段，坦言：「餐飲係難做過演員好多。」又表示做演員和做餐廳完全是兩件事：「做演員係自己喜歡嘅工作，做餐廳係生活上需要嘅工作。餐廳點解會做呢？就係偶然情況之下，行咗上呢條賽道，做演員嘅工作唔多，變咗依家做餐廳嘅時間多咗。」不過古明華就表示不會放棄演員工作，只要有戲拍就會拍：「我一路做住餐廳，一路等機會嚟。」
他坦言目前餐廳的收入未能滿足生活：「其實大環境比較差，我哋個生意都唔係好好，我有少少股份呢度，咁呀喺度捱緊，大老闆每個月都喺度蝕緊錢，我唔知佢肯蝕到幾時，只要佢話真係頂唔順，咁就冇啦，咁我就要再做返帶貨。演員點樣卷都好，你有實力唔會畀人卷咗去，但係餐飲唔同，只要有人肯開平啲，咁就捲走咗你。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
