歌手炎明熹（Gigi）日前出席音樂頒獎禮擔任表演嘉賓，與MIRROR人氣王姜濤世紀同台旋即引起熱議。出名寵粉的Gigi，深夜與一班等候多時的「Gi炎粉」（粉絲暱稱）驚喜會面，她更率先分享於本月8日會推出新歌《Colors in The Air》，Gigi透露新歌節奏輕快、歌詞正面，希望大家聽過後可以得到鼓勵、心情舒暢。而Gigi於頒獎禮上其實都有唱這首新歌，不過就將以改編，她又謂：「本身首歌唔係咁樣，整體差唔多，有啲extension嘅位就唔係extension。」粉絲亦有問她MV中有否跳舞，她就大賣關子：「無跳舞，但係有一啲好特別嘅嘢，所以大家可以期待一下。」她又透露拍攝MV期間發生不少有趣事情，並透露MV於廣州番禺拍攝，又笑言：「番禺，嘢食好食！」
不過，今次新歌被外界指是Gigi赤裸的內心告白，句句有骨。外貌、造型不時被黑粉批評的她，歌詞中一句「如何造型容貌都只是襯衣」，另外最多人提及的是歌詞中的「條文內用評論都只是廢紙」，矛頭直指之前與無綫的合約糾紛。Gigi霸氣地宣告外界的標籤與法律條文，在她眼中不過是身外物，決心要「親手編寫故事」，奪回人生主導權！ 歌詞亦並不斷重複「I see the colors in the air」，代表她即使身處流言蜚語的塵埃中，依然能看見空氣中的色彩，決心在廢紙堆中畫出屬於自己的未來。
而Gigi昨日於社交網限時動態中，就歌詞「如何造型容貌都只是襯衣」補飛，她PO了一張後台相，又tag了化妝師及髮型師， 留配文：「不好意思，造型容貌都好重要的，我好需要大家。」相當幽默。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
