《2026香港小姐競選》今日（15日）進行髮型改造環節，即今日11名現身參加者獲落實入圍資格，成為正式佳麗。多位於面試時表現突出嘅參加者都未有見人，意味住佢哋統統落選。當中多位曾參加過華姐嘅女士都被淘汰，據知，百萬網紅溫思婷、樊琳靈亦止步此。
當中符冬鈺曾參加《溫哥華華裔小姐競選2024》，外貌似足2024年港姐季軍楊梓瑤嘅佢，不單止獲得冠軍，仲獲得「才智出眾獎」，成雙料冠軍。據悉於第二輪面試中，評判對佢表現相當滿意，外界普遍睇好，不過佢就於社交網透露自己已退賽：「非常感謝每一位在初賽中鼓勵和支持我的人。然而遺憾的是，由於時間安排上的衝突，我無法參加比賽。」惟有網友指佢退賽疑另有驚人隱情！
有網民推測真正原因可能係佢以交換生身份來港，簽證性質及逗留期限難以滿足電視台合約要求。雖然消息未經證實，但仍有人爆料指符冬鈺係交換生，連臨時身份證都冇，所以沒法繼續參賽，因通過初選到簽約階段，缺乏相關證件就無法入圍。
而陳梓穎（Cecilia）上年年尾參賽多倫多華裔小姐，並最終奪得季軍，雖然夠晒甜美，不過都係被Foul。佢留言：「2026港姐之旅畢業快樂！終於可以靜下心來，和一直默默支持我的朋友們交代一下近況。今年的港姐競選，我的旅程就到此為止」佢直認對於呢個結果心中悵然：「畢竟這是我從小到大渴望的港姐舞台，我付出了百分之百的努力去對待這兩次面試。或許是運氣還差了那麼一點點，又或許是屬於我的最好時機還沒到來。但盡力過、爭取過，就足夠對得起那個勇敢報名的自己！」佢指選美只係佢人生一站，依家摘下選美標籤，並祝願今年成功進級嘅姐妹們於舞台上盡情綻放，佢我會喺電視機前繼續為好友鼓掌。
樊琳靈亦於社交網公布自己未有入圍嘅消息，佢打出長文談今次參賽經歷，明言自己係嚟搵工，佢最大心願係做主持：「參加2026香港小姐，我真的是來找工作的 我來參加香港小姐，原因很簡單，一直有個成為主持人的夢想，希望透過港姐這個舞台可以實現。🎤」、「雖然今次港姐的旅程很短，但我真的學到好多。我學會瞭怎樣面對鏡頭不緊張，學會了怎樣執生，學會了怎樣在好累的時候都保持笑容。更重要的是，我學會了接受自己的不足，然後勇敢改善。由手腳不協調走去學古典舞，到不會妝造走去請教化妝師，每一個嘗試都讓我更加相信自己是可以進步的。」有網友留言問佢有冇入圍，佢都中方表示：「據我所知是沒有進。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
