影帝梁朝偉剛於本月27日生日，跟家人慶祝切蛋糕；翌日，偉仔便「開工」，亮相其主演電影《寂靜的朋友》映後分享會，近年經常周圍飛的偉仔，難得在港出席電影分享會，跟觀眾近距離接觸，當然吸引大批粉絲到來支持，偉仔在現場跟觀眾進行了十多分鐘的問答環節，有粉絲更成功向偶像送上公仔禮物，偉仔接過之後亦愛不釋手，有工作人員上前想幫他拎走公仔，偉仔即時示意不需要，直接將公仔交給自己助手，確保不會丟失，認真窩心。
偉仔在問答環節，談笑風生，雖然很多問題都曾經在其他地方的問答環節中答過，但偉仔依然很有耐心逐一細心回應，氣氛融洽，但可惜，當完成活動後，有不少現場人仕即衝上前向偉仔索簽名及合照，令場面變得極度混亂，有在現場的網民指混亂期間，更發生意外，指梁朝偉被擠到失去平衡，一度「成個跪咗喺度」，有網民更留言指擔心偉仔受傷。
由於場面幾近失控，梁朝偉在工作人員護送下快步離開。不過，在另一條短片中，見大批粉絲在偉仔身後狂追，希望索取簽名，偉仔亦在混亂中盡力為粉絲簽名，十分寵粉，由於太混亂，保安出手維持秩序，偉仔「逃脫」後，即露出一個既無奈又搞笑的「驚驚」表情，相當可愛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
