特朗普打電話為美國隊打氣。`
世盃主辦國美國周六(13日)朝早登場，首戰迎戰巴拉圭。原本計劃入場打氣嘅美國總統特朗普，最後因工作繁忙「甩底」，改為賽前致電領隊普捷天奴同一眾國腳，下達冠軍密令。不過，特朗普缺席嘅消息令美國球迷更開心，事關美國唔使擔心受「特朗普魔咒」困擾！
白宮世盃特別工作小組執行主任朱利安尼證實，總統因為工事繁忙唔能夠親臨現場，但就安排特朗普同大軍講電話。特朗普喺電話入面向普捷天奴表示：「我打電話嚟只係想講，你係一個極優秀嘅領隊，我好清楚你過往嘅紀錄同成就，亦知道呢班球員有幾出色。我認為你哋有好大機會可以走到最後。我只想祝你哋好運。」
普捷天奴就恭敬回應：「非常感謝你嘅支持，總統先生。我哋將會竭盡所能，令你以及呢個國家嘅所有人感到驕傲。」特朗普祝美國隊好運，而佢嘅缺席可能就係最大「祝福」！美國體壇最近盛傳一個「特朗普魔咒（Trump Curse）」，只要邊隊熱門或主場球隊被佢高調捧場，嗰隊就會行衰運輸波。
早前NBA總決賽第3戰，原本喺季後賽13連勝嘅紐約人，就因為特朗普突然坐喺貴賓包廂睇波，結果主場輸畀馬刺。網民「考古」發現，過去1年無論係NFL嘅新英倫愛國者、MLB嘅紐約洋基、以至美國隊出戰高爾夫萊德盃，只要特朗普現身打氣，主隊通通慘敗。今次特朗普甩底，難怪美國球迷都鬆一口氣。
免費玩Game、砌最強11人，一鍵share畀FD子打牙骹：
本文作轉載及備份之用 來源 source: http://hk.on.cc
|
鍾意就快D Share啦！
|
|
|
