男團MIRROR人氣王姜濤前晚為音樂活動擔任嘉賓，演出備受讚賞，連做訪問都幽默感十足，贏盡焦點！事緣他被問到會否介意將「墮海事件」拍成搞笑短片，他絲毫不介意，還自嘲笑指要來個「靚版墮海」，救上岸時要「Wet Look」，風趣得來又大方得體，獲網民大讚。
MIRROR成員姜濤、盧瀚霆（AL）、呂爵安（Edan）及柳應廷（Jer）、歌手馮德倫、鄧麗欣以及許志安等，前晚為音樂活動擔任表演嘉賓，馮德倫受訪時談到近來拍攝新一輯短片節目《老馮日記》，找來嘉賓並將對方經歷過的瘀事拍成短片，外界反應熱烈，記者問他會否邀請同場的姜濤重現「墮海事件」？他說：「其實係睇對方會唔會介意。」他認為姜濤墮海本身並非一件搞笑事，坦言暫時未有信心構思「墮海」劇本，要先看對方意願再作決定。
之後到姜濤及Edan一同受訪，被問到會否介意將「墮海事件」拿來玩自嘲？姜濤大方回應：「得，可以呀！今次要化妝，上次冇化妝。（唔介意？）冇所謂，我成日都自嘲，我哋MIRROR成日都自嘲，今次係一個靚版嘅墮海，畀人救上嚟，要Wet Look嘅，哈哈！」身旁的Edan更搞笑指要加上打燈效果讓畫面更美。提到近日有網民重提墮海事件已屆一周年，Edan笑問：「呢啲都計周年？會唔會變公眾假期？」姜濤則笑問會否有10周年，是否要搞見面會，又直言絕不介意大家重提事件。
被鬧出強心臟
姜濤活動上跟台灣歌手蕭秉治合唱，更即場向對方邀歌，他笑言是聽AI勸說才這樣做，獲對方一口答應，又指在台上邀歌猶如「綁架」了對方：「係咪唔畀面先？哈哈！」談到早前獻唱張學友的《李香蘭》，無綫藝人張景淳公開稱讚卻遭網民狠批，姜濤表示知道此事：「我覺得大家唔好太敏感，網絡世界和諧少少，冇必要咁。」提到被不少人稱讚唱得好，他謙稱是撞彩，自覺並沒有大家講得那麼好，只是不過不失。對於隊友邱傲然（Tiger）翻唱前輩陳百強的《漣漪》遭狠批，他表示：「講真我哋都一直畀人鬧慣，同埋我哋心臟都好強大，講真鬧唔鬧都適應咗」
Edan談到即將開工翻拍經典日劇《悠長假期》，坦言仍未完全準備好，還需要多些時間練琴。提到木村光希表示會留意他的演出，會否因此壓力倍增？他笑說：「咁又唔會，睇唔睇都係咁，哈哈！唔會同佢爸爸木村去比。」談到緋聞女友林明禎早前生日及賣床褥，Edan統統表示：「私人嘢唔回應喇。」明顯不願多談。
另外，AL活動上跟黃淑蔓合唱女團BLACK PINK 成員ROSE的歌曲《toxic till the end》，他表示二人是首次合作：「大家最初都係怕怕醜醜，呢幾日綵排先正式同佢相處，好開心，佢係唱得之人。」他將於下月3、4日在澳門舉行兩場演唱會，見他擁有一雙麒麟臂，問到是否刻意練大隻？他笑稱為了今次演出和澳門騷而多做健身和跑步，加上稍後要開劇，故一次過操練。
鄧麗欣被批連環走音：見慣世面冇乜嘢
歌手鄧麗欣（Stephy）早前為公司晚宴擔任表演嘉賓獻唱《電燈膽》，被網民狠批走音及「着錯歌衫」，前晚演出她又被彈一出場第一句就走音，認真老貓燒鬚。Stephy事後受訪時被問到有否因此不開心？她笑言：「我呢啲咁多年，見慣世面嗰啲冇乜嘢，自己知自己事，所以有時狀態唔好嘅時候，咪希望下次好啲。」對於被指「着錯衫」而凸腩，Stephy笑言該歌衫用料「吸多啖空氣都唔得」，更無奈表示：「女仔真係好難做㗎，食多啖飯、飲多啖水，嗰啲咁窄嘅衫我咁瘦都咇肉嘅，唉！我諗做女仔就好明白，唔使我多講。」
另外，提到前Cookies成員傅寶誼（前名傅穎）最近自爆隊友在她心目中稱不上朋友，Stephy說：「仲講呢啲嘢？依家2026年喎！朋友都好講緣分，冇緣分做朋友逼都逼唔嚟。」說到Cookies豈不是合體無望？她指上次演唱會已盡力促成，未能成事亦沒辦法。
與新朋友Jer同台 許志安做足功課
歌手許志安前晚受訪時開心指最近認識了不少新朋友，繼早前跟MIRROR成員江𤒹生（AK）及王智德（Alton）合作後，今次輪到跟Jer同台演出，他大讚對方多才多藝，坦言自己為了能好好配合，事前除了勤練鋼琴，還花了幾星期聽熟Jer的歌曲，他說：「如果我哋各有各唱，觀眾係唔會有感覺，所以我要聽晒佢成首歌，不停聽，聽佢唱歌嘅感覺，不斷去消化。」提到同場歌手均獲安排Solo，唯獨他只有合唱，許志安表示不介意，笑言留待10月紅館騷時再唱，又坦言相隔11年再踏紅館舞台讓他有點緊張：「之前有BIG FOUR成員喺身邊陪住，但今次自己一個有啲緊張，我同自己講，呢個騷唔係回顧，而係一個新篇章，希望做得好啲，有新鮮感。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
