前港姐冠軍陳凱琳2018年下嫁大佢22年嘅視帝老公鄭嘉穎，婚後誕下3名兒子，近年佢更由藝人轉型兼任KOL，成為香港最吸金KOL，令人羨慕不已。不過尋日（30日）有網民於金鐘某廣場戲院觀看電影《蜘蛛俠：英雄重生》（Spider-Man: Brand New Day）時，就遇上3名小童全場大叫，該名網民多次制止無效後，於完場開燈時赫然發現，當時未有管教子女嘅家長正係陳凱琳！
陳凱琳平時愛大晒親子樂生活，日前先晒完為二仔Yannick慶祝6歲生日，未知係咪想繼續同仔仔慶生，佢被發現帶住3個仔去戲院睇《蜘》片，有網友聲稱其3位小朋友在場內不斷大笑大叫、喧嘩吵鬧，發文者多次要求佢哋安靜，但同行嘅陳凱琳完全不予理會。貼文隨即引發熱議，有網民斥責陳凱琳缺乏戲院禮儀、教子無方，甚至有自稱曾教過其孩子Skateboard嘅網民留言批評小朋友缺乏基本禮貌。該爆料網友直指陳凱琳全程對親生子女滋擾行為視若無睹，完全冇履行家長應有管教責任。苦主更怒斥身為公眾人物連基本戲院禮儀都唔識，毫不尊重電影藝術，直言「好心你唔識教就唔好學人生仔啦」，狠批放任態度會連累整個電影行業發展。
與此同時，陳凱琳咁啱就於社交平台發布當日帶仔仔睇戲嘅限時動態，被發文者質疑係「厚顏無恥」嘅挑釁，但不久後該動態被刪除。風波隨後愈演愈烈，有網民到原帖下留言為陳凱琳澄清，稱澄清當時現場見到小朋友好安靜外，該目擊者更爆出陳凱琳「無啦啦跑得勁快，衝咗出去搵前排個女人」，隨後聽到現場有人議論，疑有觀眾將Cream倒落陳凱琳兒子頭部。目擊者補充，當時現場有熱心媽媽即時遞上紙巾協助抹乾淨，陳凱琳情緒亦相當激動，臨尾更叫戲院職員幫手搵出該名涉事女人出來處理。然而發文者繼續晒出被陳凱琳粉絲留言攻擊等截圖，惟當事人陳凱琳從未為事件發聲，並未有承認或否認事件，潛水冷處理。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
