佩玲說出所有在護老院的經歷時不禁落淚
除了被困著之外，還被嚴重疏忽照顧，因為李小姐每次去探佩玲發現身體都比較「污糟」，原來護老院一星期只幫佩玲洗兩次澡。連尿片都是濕透的，懷疑院方想「慳」尿片而不幫她換，導致她臀部長疹。除了照顧上的問題，連李小姐買給佩玲吃的東西，經常都是原封不動，放到食用期也過。佩玲雙腳腐爛，一開始院方只向李小姐表示因為天氣冷，所以幫她穿鞋子。佩玲離開護老院後，說出所有在護老院的經歷時，不禁落淚。
護老院徐主任堅稱冇啲咁嘅事
事件揭發後，李小姐立即向社署投訴，社署回覆指因為院舍內沒有CCTV，沒有拍到事情經過，難以調查。警方亦表示現時證據不足，所以不能提出起訴。節目組陪同李小姐到護老院了解事件，而護老院的徐主任堅稱「冇啲咁嘅事」，她受訪時表示：「我未見過佢唔喺嗰個房瞓，日日都喺嗰個房瞓。我冇推過佢，我又冇睇過姑娘推過佢。」但是當李旻芳把片段給她看後，她立即轉口風：「她有時嘈，會自殘同打！跟住姑娘又驚佢有咩事唔知，佢夜晚做嘢呢去邊度都跟住姑娘，姑娘要分分鐘都睇住佢，驚佢有咩事姑娘睇唔到。」
徐主任多次轉口風
徐主任亦有指佩玲有時晚上會吵到其他人，被問到是否因為嫌她吵而把她困在洗衣房時，她繼續表示：「唔係嫌佢嘈，係擔心佢有咩事跌倒我哋睇唔到！」她可能覺得自己的說法有些牽強，之後又說：「佢識行㗎嘛，佢度度行，佢識喺輪椅行㗎！」不過節目再播出佩玲的對話，佩玲表示自己：「直頭一啲都行唔到，綁住我，走極都走唔到，冇人救我！」而徐主任說到自己開始混亂，便推著車仔嘗試脫身。
節目組去洗衣房看看，發現佩玲被綁的洗衣房環境惡劣，完全封閉，沒有水喝，連李旻芳都不禁表示覺得熱。但是徐主任繼續諉過於人，表示：「嗰啲相係點樣我哋唔清楚，總之我冇做過嘅。佢點樣影我哋唔知，邊個搞鬼搞怪，我就唔清楚嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
