港姐李尹嫣雖然在真人騷《魔音女團》出局，但仍十分感激好友冼靖峰無私分享實戰經驗，令她唱跳開竅。雙方因工作成為朋友，卻直言彼此最初都有所保留，李尹嫣對冼靖峰的「暖男」溫馨提示感囉唆煩厭，冼靖峰亦對「友誼小姐」的熱心助人存疑。
歌手冼靖峰（Archie）與港姐李尹嫣（Victoria）因先後合作音樂節目《J Music》和《魔音女團》成為好友，原來Archie早已對Victoria留下深刻印象，他說：「第一次見佢係港姐決賽，我坐喺觀眾席見到佢唱粵曲，覺得佢嘅表演好厲害。」隨後兩人機緣巧合下合作主持《J Music》，Victoria雖然覺得對方很友善，不時作出提點，但最初也嫌Archie囉唆：「第一次拍檔做主持，佢係咁叫我唔好咁緊張，心諗我都冇緊張，乜呢個人咁煩㗎，係都要話我緊張。」Archie笑說：「佢話唔緊張，但一開機講嘢就好快、好𦧲，自己都試過一心急講嘢就會好快，因為唱歌之前會有個小劇場，要好似演戲咁，要好放鬆去講。」
Archie續指之後合作Victoria發揮「友誼小姐」本色：「佢好照顧人，知我貪靚會提我唇膏好似要補少少，都聽講過佢選港姐嘅時候出名鍾意幫人，之後去到《魔音女團》仲會預早兩個鐘幫其他女仔化妝，果然係友誼小姐。」Victoria反指他也是「友誼先生」，懂得與人相處，例如去到公司餐廳食午飯，餐廳有100人，可能他會與其中80人打招呼，相識滿天下，她也受到感染，覺得要好好學習，不要對人那麼有戒心：「自己以前係內斂啲，見到佢同大家都咁Friend，覺得咁又幾開心喎，覺得可以唔使下下都落晒閘嘅，因為自己對陌生人戒備心比較重啲，佢就對所有人都Friendly。」
兩人之後再在《魔音女團》合作，一個是練習生，一個則是助教，Victoria表示：「Archie好識同人相處，亦都好上心、好熱心，試過夜麻麻掟咗9條練習片畀佢，搵佢幫我哋執表情，佢真係會睇，自己唔係咁容易信任人，但係我會信任佢，佢會好認真去答。去到復活賽，自己唔係咁有信心，樣貌、唱歌、跳舞都唔錯，但樣樣都係中等，冇任何突出嘅地方，會問佢意見，好似佢話跳舞同唱歌都一樣需要有Accent，令到我叮一聲，係喎，幫到我進步。」曾參加選秀節目《亞洲超星團》的Archie分享實戰及撞板經驗，坦言因比賽時間有限，會直接、不留情面地說出問題所在：「你跳到咁、唱到咁，唔會過到骨㗎喎！」
Victoria感謝「前輩」毫無保留將實戰的「精華」無私奉獻，對他相當欣賞。對於被稱呼為「前輩」，Archie自揭曾對「後輩」的完美人設抱有懷疑，例如她熱心助人，會質疑是否有目的刻意扮出來，但經過相處，確認她本性確是熱心助人。Victoria則指表面輕佻的他，實際上對朋友卻相當認真：「佢話咗會幫你，就會認真對待，以為佢都係講吓就算，但無端端一個月之後會提起，原來佢係記得嘅。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
