沈震軒過往曾透露自己偶爾會開網約車補貼生活費，並獲得乘客極高評價，昨日他也在社交平台Threads轉發相關新聞。他坦言雖然對事件的來龍去脈不完全了解，但對於司機將影片上傳網絡「公審」乘客的行為感到非常不妥，並大談自己對服務業及人與人之間關係的看法。
沈震軒感嘆同行應多一分體諒 斥公審行為「絕對不應該」
在談到對這宗娛樂熱話的感受時，沈震軒直言處理手法有欠妥當，他表示：「今日睇到呢個新聞，雖然呢條片嘅來龍去脈我唔一定完全了解，但係既然係車cam片，咁即係最大可能性係個司機自己放上網。作為做服務性行業嘅一份子，同埋一個有責任心嘅司機，其實如果個客人已經話咗俾你聽係導航出錯，點解唔可以做多少少幫一幫個客人呢？」
雖然有不少網民認為司機只是按章工作，跟隨導航行駛並沒有錯，但沈震軒認為人情味同樣重要：「雖然話司機確實有自己嘅道理、沒有錯，因為佢確實係跟導航行。但係大家都係喺同一個城市一齊生活嘅市民，互相幫助、互相體諒，為何不可？最後仲要將呢一條片擺上網公審佢嘅乘客。唔理被公審嘅係明星定係普通市民都好，呢一個行為就絕對唔應該。」
網民大讚沈震軒「講得中肯」
沈震軒的言論隨即獲得大批網民讚同，不少人留言稱讚他「三觀超正」、「講得好中肯」，認為現時不少網民或服務業從業者動輒將影片放上網「網絡裁判」，確實有侵犯個人私隱及公審之嫌。目前相關影片已引來個人資料私隱專員公署的關注，並已要求相關社交媒體平台移除該段影片。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
