3號李澄晴奪得友誼小姐
問到3號李澄晴自己得獎原因，她表示可能是雙魚座關係，鍾意幫人。6號盧蔚晴就大讚對方是眾佳麗的「糧倉」。「因為佢怕大家肚餓，經常都帶一袋小食喺身，我最鍾意食芝士餅乾，其他仲有栗子等等。」李澄晴：「因為我鍾意食嘢，又怕大家要節食冇食嘢，所以都帶定一袋等大家補充體力。」對於有指摘下友誼小姐後多數三甲不入，李澄晴表示不介意，做好自己就可以。
6號盧蔚晴試戴500萬后冠
6號盧蔚晴在試戴后冠時，戴歪咗，要髮型師上台重新整理，盧蔚晴覺得只是小插曲，無損可以戴價值500萬后冠的興奮心情。「我都係第一次見，好閃好靚，好似戴咗成層樓、成份首期上頭，好開心，我唔覺得重，可以戴足10日24小時。」髮型師上來整理前，是否不太穩想跌？「冇呀，好穩陣，可能真係好適合我呀！今日體驗咗，希望聽日真係可以戴」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
