跳唱《皮囊》 放下包袱大展狂野一面
在演出後，車婉婉問及平日是否很少跳舞。吳亦偉坦言：「不多。上一次跳舞是拍MV的時候，因為我手腳不協調，手是手、腳是腳。」被問到要在決賽挑戰快歌的心情時，他坦言非常緊張：「我的心情很緊張，但是還好，老師有幫我安排一些比較有張力的感覺。」婉婉笑指他特別挑選難度極高的《皮囊》來「補返」舞蹈靈光度不足的地方，吳亦偉也謙虛笑著承認。
評審激讚 巫啟賢：MJ唱都要對嘴
而在評審點評環節，焦點全落在巫啟賢身上。先是肥媽大讚：「因為我哋認識嘅亦偉呢，佢係一個好好嘅音樂人，但係我啱啱睇到歌單係《皮囊》，心諗你今次『收緊皮』了！我真係咁樣諗的，唔好意思啊。因為呢首歌好難唱，啱唔啱克勤哥？」克勤接住笑說：「我剛才同巫啟賢講，連原唱唱呢首歌都無跳咁多舞㗎！」
肥媽隨即在旁笑指：「你講嘅咋，你講嘅咋！我無講過！」巫啟賢更語出驚人：「Michael Jackson唱都要對嘴呀呢隻歌！」克勤即時「割席」劃清界線，指著對方說：「呢個你講嘅咋，我無講過！」巫啟賢直言：「係我講㗎，佢走咗好耐無所謂」兩人的打鬧頓時引來全場大笑。肥媽隨後補充，吳亦偉今次完全享受舞台：「佢真係享受個舞台，佢自己去享受個舞台，令到我哋睇嘅時候都會好投入。」
克勤隨後也給予專業評價：「其實好多嘢都好好，唯一呢就係因為《皮囊》呢首歌大家知道有兩粒好高好高嘅音，原本個版本係比較Rock，佢有嗰個動力Push上去做呢件事。而家呢個新嘅編曲，就好像欠缺了少許，令到大家推上去嗰個感覺。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
