英國男星亨利卡維爾近日在港拍攝荷里活新片，昨日凌晨更在中環上演險被車撞的一幕！而大病初愈的張晉全程由太太蔡少芬傍實開工，他化身「大力士奇人」出手助亨利煞停車輛。蔡少芬談到老公今次孭飛拍攝荷里活電影時，竟自嘲「冇本事」，但慶幸有機會親臨片場，窺探國際電影舞台。
因飾演「超人」而人氣飆升的英國男星亨利卡維爾（Henry Cavill）聯同《殺神John Wick》系列導演Chad Stahelski，連日來留港拍攝荷里活奇幻動作電影——新版《挑戰者》（Highlander）。團隊先後於中環及紅磡一帶取景，吸引大批粉絲追星，相當熱鬧。大隊前晚現身中環中心一角，搭出Disco場景並安排多位演員即場勁歌熱舞，拍攝亨利入內尋人的戲碼。
去年爆出患有心臟病兼8成血管堵塞的張晉，經過手術和休養後早已康復，今次更獲邀與「超人」鬥戲。前晚他在太太蔡少芬（Ada）的陪同下現身，先被安排於附近一間咖啡店休息，待正式埋位時才搭電梯落樓開工。Ada全程「𥄫實」老公，不時露出肉緊之情，入行多年的她在片場看得投入，又頻與工作人員閒聊，與台前幕後相處愉快。
應付打戲冇難度
亨利完成Disco場景的戲份後，即轉戰機利文新街繼續拍攝。滿身傷痕的他手持長刀，步履蹣跚，在擠滿臨時演員的街上漫步，街道布滿懷舊港式擺設，更有燈牌寫上「2040」字樣。昨日凌晨3時半左右，團隊再轉往德輔道中電車路拍攝，依然傷痕纍纍的亨利用西裝褸捲起大刀，虛脫走出馬路，險被的士撞到，與此同時張晉則以半古裝造型現身，以武功幫亨利截停的士。張晉連日在炎夏中開工，上演激烈動作戲碼，面對高強度拍攝仍表現自如，狀態回勇。
據悉，張晉自多年前起已不時參與荷里活電影的演出，2019年夥拍史泰龍合演電影《逃亡大計3》，兩人的精彩動作對決讓觀眾難忘。而他於科幻電影《環太平洋2：起義時刻》飾演將軍一角，獲讚入型入格。談到老公今次病愈復工，Ada昨日接受本報訪問時笑說：「我都係小影迷想睇吓人哋啲荷里活鉅製，自己冇本事接呢啲大片，好彩身邊有人（張晉）咁叻囉！其實老公以前拍荷里活電影，我都會現身支持嘅，今次都有飛英國睇佢開鏡，尋晚佢正式殺青我梗係要現身，算係有始有終啦。」
林沚羿收工趁機集郵
拍攝於昨日清晨約5時半完成，全體工作人員拍手歡呼。曾參與荷里活電影製作的武術指導林迪安帶同女兒林沚羿（Venus）到場探班，亨利走近與兩人合照，後來張晉夫婦亦加入。Venus事後於社交網分享現場合照及片段，她受訪時透露：「爸爸同導演Chad Stahelski有交情，咁啱我喺中環拍《愛．回家之三代同糖》外景，收工後咪去探吓班囉。我好細個拍過《蜘蛛俠》，仲好有印象，嗰晚令我好懷念電影片場開工嘅日子。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
