香港海報用「88」波衫背影 蔡思貝以為二創
提到香港版海報驚喜用上她穿著「88」號波衫的背影，她笑言最初以為是網民惡搞的AI圖：「我初頭以為係假，因為網上好多二創版本，朋友send問係咪真，我都話唔係，應該係網民好有心自己整，後來知係真，真係好開心。」 她更透露星爺事前完全零劇透：「冇，永遠係一個驚喜。」
張繼聰獲星爺「款待」夾餸 嘉玲姐點名讚賞
在戲中飾演裁判的張繼聰，同樣有難忘經歷。他笑稱被星爺稱呼為「聰哥」時感到「怯怯地」，更爆料星爺在片場毫無架子，對他更有特別的「款待」：「周生好客氣嘅人，傾偈時有做戲嘅嘢，作為導演用咩心態，呢樣故然係犀利，但真係喺現場睇佢點做嘢學到最多，好認真，同超有禮貌，成日唔該前，辛苦晒！我哋放飯佢都係咁夾餸俾我，都型！將來同人晒冷有幾威，（周星馳夾過餸俾你喎）幾次呀夾咗，呢樣真係勁！」
除了獲星爺厚待，阿聰更獲同場的劉嘉玲大讚其主演的《金童》「好睇」，令他受寵若驚。不過，搞笑的是，他與思貝兩人都坦言不敢開口要求與星爺合照。
蔡思貝避談陳凱琳囝囝戲院風波
首映禮上，思貝被問到同屆的港姐冠軍陳凱琳（Grace）近期的風波。Grace的兒子早前在戲院看《蜘蛛俠：英雄重生》時疑因喧嘩及踢櫈，引發全城關注的「淋Cream事件」。思貝透露兩人仍有聯絡，早前亦有發短訊大讚Grace在內地綜藝《乘風2026》中「唱歌、跳舞好叻」。對於Grace捲入是非，思貝避重就輕：「我有係咁倚睇新聞，但冇睇詳情。」問有沒有私下關心對方，蔡思貝說：「冇，呢排都忙宣傳，咁佢咁能幹，覺得佢係超級能幹媽媽，我相信佢絕對handle得到。」
阿聰急「Hang機」發揮公關神技
不過，當記者轉移目標，問身旁的張繼聰平時有否教導小朋友睇戲禮儀時，向來轉數快、能言善辯的阿聰竟突然「Hang機」避答：「呢個問題真係要時間諗一諗，因為今日出嚟宣傳電影嘢，公司幫我set program就比較容易hang機。」這招高超的公關遊花園技巧，令身旁的思貝當場驚訝「O嘴」，更直呼：「我可以學習呀！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
