曼聯出局後被主場球迷狂噓。(Getty Images)
周四(17日)凌晨英聯盃第3圈，曼聯主場早早領先2球下，被白禮頓連轟3球反輸2比3出局。曼聯今季踢6場已經第3次輸波，喺奧脫福球場被反勝，更寫下球隊半世紀最恥辱紀錄，領隊卡域克嘅蜜月期正式結束，佢賽後批評球隊表現並表明負責，要佢下台嘅聲音亦日益高漲。
兩隊今場都作出大幅輪換，主場嘅曼聯先聲奪人，小將舒亞拉斯8分鐘禁區內射入；2分鐘後拉舒福特射門被撲出，美臣蒙特補中領先2球。不過白禮頓之後反攻凌厲，高斯杜拉斯完半場前追番1粒，柏斯高哥斯同迪古柏下半場各建一功反超前，曼聯撻唔起輸波出局。
曼聯過去幾年成績低迷，但奧脫福仍然係佢哋最堅固嘅堡壘，點知就被白禮頓打爆。今場係曼聯近42年來，首次喺奧脫福半場領先下輸波，期間佢哋550次半場領先，有498次贏波同52次打和，神奇紀錄喺卡域克手上終被打破；曼聯對上一次喺奧脫福領先2球反輸，更要數到1976年9月，寫下半世紀恥辱。
完場後奧脫福響起巨大噓聲，領隊卡域克賽後表示：「今場表現不能接受，我要負責，尾段嘅表現係我問題。曼聯會更好，亦需要變得更好，呢刻感覺唔好，我哋要盡快贏番波。」對於帥位危機，卡域克就回應：「我唔覺得有壓力，呢個問題亦冇帶畀我困擾，我知道呢個世界點運作，但依家只係關心點樣盡快贏波。」
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
