根夏打破今季入球荒。(Getty Images)
曼聯相隔1,003日後再踢歐聯，周五(11日)凌晨主場4比0大炒沙巴FC，有個完美新開始。曼聯今場火力全開，班捷文施斯高、馬菲奧斯根夏兩大前鋒都有波入，係「紅魔鬼」3年來歐聯首勝、兼6年來歐聯最大勝仗，用最強勢聲迎接周日(13日)嘅曼市打吡。
曼聯重返歐聯第1擊，對住阿塞拜疆球會沙巴FC，鋒線起用施斯高代替拉舒福特。由於雙方實力差距懸殊，曼聯27分鐘就由根夏接應柏德列多古傳中近門射入，拎到今季首個入波；42分鐘一次美妙組織，般奴費南迪斯接應泰利文斯回傳，禁區內射成2比0。
今季首度擔正嘅施斯高，完半場前突破越位，單刀扭過埋門將射入空門，曼聯半場已經鎖定勝局。曼聯換邊後陸續換入副選同新人磨練，仍然靠利辛度馬天尼斯錦上添花，大派4蛋獲勝。曼聯對上一次歐聯贏波，已經係2023年10月贏哥本哈根。
曼聯今場21次射門有10次命中，根夏開齋同施斯高嘅高效演出，加上麥比奧莫同拉舒福特開季狀態大勇，領隊卡域克表示：「鋒線揀正選唔容易，但呢種幸福嘅煩惱係我想擁有，球員明白有時要先做後備，我想喺唔同情況拎出唔同武器，個個狀態咁好係件好事。」
卡域克今季戰術主打無鋒陣，令施斯高長居後備，不過呢位斯洛文尼亞射手連續2場入波，為周日鬥曼城做好準備：「呢場勝仗對球隊信心有好大幫助，亦令我哋喺嚟緊打吡戰更有動力。今場4個唔同球員入波，證明曼聯個個都有入球能力，喺漫長球季呢點好重要。」
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
