突發危險切線 演變持械恐嚇
據李先生憶述，事件發生於9月9日下午大約5時45分。當時他正駕駛車輛沿右線行駛，一輛原本在左二線的白色七人車在沒有打燈的情況下，突然強行切入李先生的行車線。李先生見狀立即響號示警，未料這個舉動竟觸怒了對方。七人車司機隨即將車停下，怒氣沖沖地步出車廂，並走到李先生的車旁指罵。更令人震驚的是，該名司機隨後竟從車內拿出一把鉸剪，企圖從車窗縫隙攻擊李先生。
李先生還原當時驚險情況：「當時係9月9號，大約5點45分左右啦，我揸住架車。突然間喺左2線嗰架白色七人車連燈都冇打就夾硬cut過嚟！我即刻撳咹警告佢啦，點知佢發晒脾氣，落車行埋嚟係咁鬧。最誇張係佢竟然攞住把鉸剪行埋嚟，指住我，仲想喺我開咗三分一嗰個窗罅度隊入嚟！我當時真係好驚，唯有即刻大聲同佢講：『我有車Cam㗎！』佢一聽到我話有Cam，先至笠水收返把鉸剪上車。」
李先生對於該名司機的過激行為感到十分無奈及憤怒，並表示：「就算你再激動都好，你口角咪口角囉，做咩要攞把鉸剪出嚟啫？你cut完人線，其實好簡單，遞個手講句sorry，咁咪算囉！」
網民火速起底 涉事者為風水師元海
事發後，李先生決定報警處理，並將車Cam片段上載至社交平台。廣大網民隨即發揮「起底」本色，迅速認出片中手持鉸剪的白衣司機，正是風水師元海。《東張西望》攝製隊其後致電風水師元海查詢事件，但他拒絕作出詳細回應。
風水師元海回應：「依家呢件事已經交咗畀警察去處理緊㗎啦，律師叫我乜都唔好答，已經交咗俾律師處理，我唔想再呢件事再發酵。」
警方迅速執法 涉嫌藏攻擊性武器被捕
針對此宗案件，警方在接獲報案後迅速展開調查。據警方回覆證實，已於9月10日拘捕了一名73歲本地男子，涉嫌「管有攻擊性武器」。該名被捕男子目前已獲准保釋候查，案件正交由相關警區的刑事調查隊跟進。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
