黎彼得追思會今午舉行，好友鍾志光於台上透露，黎彼得生前主要受糖尿病、腎功能衰退問題所困擾，他説：「佢2025年同向雪懐喺內地舉行 Talk Show，當時佢係坐住輪椅吊住鹽水造型出場，做完個騷返嚟香港3日，佢就打畀我話咳出血要入醫院，原來佢個腎已經冇咗功能，一星期要洗腎3次，後來洗到第3次醫院唔畀佢出院，因為佢感染咗肺炎，後來問佢會唔會搵間安老院好啲？佢話好唔，搞到咪好囉。」他透露黎彼得今年4月在護理院中跌倒，隨後被緊急送院，經檢查發現對方出現全腦幹缺血性中風，最後憑藉頑強的生命力，在醫院堅強地度過了幾個月，最終於8月5日離世。
而與黎彼得合作無間的許冠傑（阿Sam）未有出席，只拍片彈唱，鍾志光就解釋指阿Sam有事無法親身到場，但其實在黎彼得過身後，阿Sam早已撰寫了悼念文字並交予其家屬以表哀思，並仍特意錄製了影片，交由大會在追思會上播放，隔空送別昔日戰友。問到黎彼得入院時，許冠傑有否聯絡或探望時，鍾志光指沒有，因黎彼得出事時非常突然，根本不知應該通知哪些朋友，只有其他主動向他詢問時，才會如實告知情況，而其他朋友「一個都冇講」，全因無法替黎彼得作決定，故不敢貿然對外發布消息。對於許冠傑會否出席日後其他的紀念音樂會，鍾志光則表示自己並非主辦單位，不太清楚相關安排。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
