TVB新處境劇《愛．回家之三代同糖》開播以來，口碑與收視一直未見起色。劇集之前已急召《愛．回家之開心速遞》初代演員徐榮加盟，有傳陸續會有成員加入救亡。今晚，開心速遞4子周嘉洛、吳偉豪、焦浩軒與陳浚霆突然在網上同框，更表明要大爆內幕消息，直指再有《愛．回家之開心速遞》演員加入三代同糖，引起網民熱議。
一開始時4子齊集Video Call並興奮表示：「好耐冇見」，並講到明有內幕消息公告。隨即吳偉豪就話自己收到風，直接問眾人：「好想有啲嘢問下大家，我收到風將有開心速遞成員加入三代同糖喎！你哋有冇聽過啲咁嘅消息呢？」其他人聞言在鏡頭前擺出一副驚訝表情，大嗌「Crazy」。
之後，吳偉豪就逐個問係邊個加入，點名同周嘉洛說：「安仔係咪你？」然後再將矛頭指向「風少」，他們都異口同聲表示不是自己，反問是否吳偉豪本人，他即謂：「我收到風嘛！因為唔係我囉！」在幾經討論後都得不出答案，最後吳偉豪打圓場說：「睇嚟都唔係我哋4個喎！不如各自收風，索下料，睇吓會係邊個囉！」
雖然4子口口聲聲表示不是自己，但網民已洗版留言，希望他們可以真的加入《三代同糖》，更坦言必定會刺激收視。有不少網民亦紛紛提出建議清單，期待看到《愛．回家之開心速遞》的黃金組合再現，好似「必需讓安凌加入」、「可以睇風少和素素結婚嫁入龍家嗎！」、「島大師兄們回歸」等。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
