南亞漢舉手機拍攝警員及被搜身。
網上流傳3條南亞漢在港鐵站大堂爆粗怒罵警員的影片。現場在港鐵深水埗站大堂，片首見一名南亞漢被3名警員包圍，他高聲說「咩呀？唔畀佢整囉，唔X識睇呀？」，一名警長警告他的行為構成「公眾地方行為不檢」，但南亞漢情緒激動，爆粗指控遭警長向其粗言對待，他向警長稱「你X我老X啱啱」、「告我行為不檢，含X啦你」，其中一名警員勸他保持冷靜，但南亞漢反對警員稱「你冷靜啲」，警長向他作出第一次口頭警告，南亞漢指控警長剛才「X我老X」，惟警長否認，此時，南亞漢舉起手機拍片紀錄。
第2條影片見南亞漢高呼「我無講粗口，我講個X字，唔X得呀？」、「唔通為咗你哋3個，改我講嘢方法？」、「你以為（我係）Kai子，我就唔係Kai」、「你要做我，你行出去瞓」。最後一條影片見警長向南亞漢再作出警告稱「唔再畀機會你」，他反駁「睇下(吓)你點唔畀機會我」，其後警員稱向其搜身，他稱「搜囉，有嘢咪畀你囉」，當警員搜身時南亞漢說「你唔好咁X大力，搜還搜」，他續指控被警長爆粗，警長聞言後再次否認指控，同時指出南亞漢「講晒粗口，我哋錄影晒」、「你就唔可以講粗口，你明唔明？」，男子正想反駁，影片亦至此完結，事件後續則未有人透露。
網民睇片後重點放在南亞漢說得一口流利的廣東話，「粗口都流利到呢」、「佢識講Kai子，一定好細個已經喺香港打滾，非常本地」、「佢啲廣東話好純正，尤其是粗口，好順暢、好流利、好正」，另有人指「未睇晒成件事真係唔敢講邊個啱、邊個錯，不過睇個場面都幾混亂，希望最後和平收場」。
執法部門表示，昨日（10日）下午4時01分，警員在港鐵深水埗站內截查一名29歲南亞漢時被爆粗辱罵，警員向其作出口頭警告，以涉嫌違反《香港鐵路附例》向他發出告票，他亦涉嫌「公眾地方行為不檢」被捕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
