被網民嫌「方面」高EQ回覆
由嚴肅主播走向大眾視線，方健儀多年來亦曾面對部分網民對其外貌及身形的評論，甚至被嫌「方面」（面闊）。她透露曾有人提議她去做醫美或「推瘦面」療程，但被她一口拒絕。對此她展現出超高情商，直率笑言：「如果我推尖面嘅話，我就唔係方健儀，我係圓健儀，或者叫尖健儀。」她更豁達分享自己的處世心態：「我唔覺得『方面』係一個缺點，係一個特點。」認為只要懂得由心接納自己，外界的指點自然不會構成困擾。
為萬蚊禮券參加唱歌比賽起對手底
除了外貌話題，方健儀更自爆一段既爆笑又貼地的經歷。她透露曾見到一間商場舉辦歌唱比賽，頭獎有一萬元消費禮券，自覺面皮夠厚的她頓時自信心爆棚，深信自己大有機會勝出，甚至未獲通知便已打定如意算盤，一早計劃好要用這筆獎金請父母和家人去該商場食大餐。豈料最終事與願違未能入選，具備記者本色的她隨即職業病發作，待主辦方公佈八強入圍名單後，逐一到IG翻查這八位對手的底細，才驚覺入圍者大多是年僅二十出頭的實力派年輕人，令陳敏之亦忍不住當場大笑。
曾瞞阿媽通宵打牌
談起私下娛樂，方健儀透露五、六歲看幾圈便學懂打麻雀。她更大爆年少時為了通宵開枱，曾「同我阿媽講去聯誼會」，實質卻是瞞著家人與好友在麻雀枱戰至天光，第二天依舊準時上班。因十分喜愛打麻雀，她甚至一度獲封「雀后」。提到後來幾乎「戒打」麻雀的導火線，方健儀憶述有次手風奇差，摸到的全是一堆搭不上的爛牌，整晚一鋪糊都冇食過，慘輸一千元。自小慳儉的她當刻肉痛入骨，崩潰自嘲：「以為成副身家冇晒！」直言對麻雀的狂熱自此徹底熄滅。
全力撐老公提早退休
經歷多年打拼，方健儀如今亦格外珍惜家庭時光。心痛工程師丈夫長年為大型活動日夜顛倒、體力透支，她極力支持年屆56歲的丈夫提早退休享受人生。不過她亦搞笑講明：「呢個世界冇免費嘅午餐，你要做多啲嘢幫我拍片。」除了安排老公兼任專屬攝影師，更全力支持他實踐夢想「想做高達KOL」，夫妻互相扶持的相處模式令人稱羨。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
