76歲藝人劉松仁近年淡出幕前，去年獲江美儀親口證實劉松仁曾中過風，惟鮮有公開露面嘅劉松仁於8月時，罕有地現身深圳出席活動，身形略顯消瘦，面色帶點蒼白，行動不便嘅佢步履蹣跚，走路時身體更微微前傾，全程身旁都由一位女士緊緊攙扶着其手臂。日前，再有網友於戲院偶遇佢，對方留言指，劉松仁撐拐杖親自去戲院睇電影：「腳步雖緩，依舊熱愛光影。縱然經歷傷病，對影視的熱忱從未消減，這就是老戲骨的情懷。」
雖然拍攝者未有透露拍攝時間，但背景可見《利瑪竇》、《我阿爹想旅行》宣傳用品與電影《空槍》海報，估計影片是拍攝於近日。片中劉松仁容貌、身形與行走狀態同早前有些微變化。見佢身穿米白色工裝長袖恤衫，配搭深灰色長褲與運動鞋，戴黑框眼鏡並斜孭袋，打扮斯文整潔。身形較以往消瘦單薄，但劉松仁面色紅潤、精神不俗，遇上女性友人時，對方熱情上前擁抱，劉松仁亦展露招牌笑容，交談時反應敏捷、談笑風生。不過有眼利網民留意到，其右手看似卷曲、僵硬，右手手肘全程微彎、半舉胸前，手掌一直握拳，手指關節僵硬蜷縮，顯得十分固定，網民推斷呢個係屬於中風後肌張力後遺症。
另一段步入戲院短片中，劉松仁左手撐拐杖緩慢前行，行路時重心傾斜，右腿顯得乏力，每跨出一步膝關節都未能完全伸直，着地時更微微抖震，步伐蹣跚吃力，但佢沿途神情自若，表現淡然豁達。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
