無綫小花何沛珈與阮嘉敏近日成為《女神2》焦點，於節目中跟多位求愛勇者「過招」，望覓得真愛，脫單成功。她們日前齊齊受訪，曾是「戀愛腦」的二人坦言曾遇過另一半是「控制狂」，大叫怕怕，如今若於節目配對成功，絕不再令自己受委屈、任人魚肉，做個有原則的女神。
無綫戀愛真人騷《女神配對計劃2》播映至今，女神及一眾「求愛勇者」都掀起不少話題，由各女神均有自己目標，再到「爭仔」爭出面，雖然有指是節目效果，但網民都看得相當肉緊。當中近日加入爭仔戰團的何沛珈（Roxanne），被網民輿論及抨擊一度打沉，指她是「綠茶婊」，令她感到自我懷疑，刪掉社交平台，幸而得到好友及拍檔公開力撐，證明她絕非「心機女」，更讚她為人率直又真誠。
Roxanne與另一位女神阮嘉敏（Mandy）日前齊齊接受本報專訪，Roxanne坦言參加節目除了想脫單「出Pool」外，亦希望治好對男生的恐懼感，她讀書時期甚少接觸男同學，以至不太擅長跟異性相處。她又指外表難結識異性，於別人眼中屬於難以接近的高冷一族：「節目監製話好多男參加者覺得我太高，同埋好有氣場，其實我唔使另一半好高，同我一樣高或者高我少少就可以。」期間兩女更自爆曾玩交友App，但均失敗告終，Roxanne笑言直到大學也未嘗初戀滋味，遂在朋友建議下試玩交友App，但過程搞笑，她笑謂：「我配對咗一個人，對方同我Say Hi，我已經嚇到刪咗成個App。」她自認曾有3段拍拖經驗，笑言過去每任男友都很愛她：「佢哋都好想擁有我嘅一切，成日問我去咗邊，去邊都要報備。」她指幾乎不會跟男友爭吵，亦不喜歡冷戰，自認是冷靜派，但跟很多女仔一樣，也有戀愛腦的時候：「就算師傅話你哋兩個唔啱，但我都要一齊。」不過她指絕不會再讓自己受半點委屈，若發現大家步伐未能一致，就會決絕斬纜。
手機被裝定位
至於Mandy於訪問中亦坦言試玩交友App結識異性，她指因為拍攝節目《姊妹淘》而試玩，但就慘被誤以為騙案：「我放自己張相上去，但冇人信我係阮嘉敏，我話我係真，對方仲Block埋我添！」認真無奈！她自言以往對不合眼緣的異性會即時落閘，但拍攝《女神2》後有所啟發，不想錯過姻緣：「有啲男仔見到已經唔諗住揀，但喺節目要焗住聽佢講嘢，聽完又覺幾好喎，所以我諗可能以前錯過咗好多姻緣，以後只要唔反感，都可以同對方出去食餐飯了解吓先。」
談到以往的戀愛經驗，Mandy坦言拍過4次拖，更曾因男友出軌而分手，當中兩任對象也不喜歡她做藝人，其中一任更是「控制狂」：「佢對我好唔信任，覺得我唔知去咗邊，又唔覆電話，經常因為咁而鬧交，後來佢裝咗個定位喺我手機，雖然係好唔尊重同冇私隱，但我覺得好難搵到個互相鍾意嘅人，只要畀到安全感佢，我就照做，因為佢前女友曾經出軌，所以有陰影。（最後點解分手？）因為佢有第二個！」更打趣指錯在自己沒有在對方手機裝定位。雖然慘被分手，但她卻自認是「自己攞嚟」：「拍拖期間我拍咗場錫戲，佢覺得我答應咗監製先通知佢，一直耿耿於懷，加上我成日臨時加工作而放佢飛機，我的確係將工作排喺佢前面。」她揚言不會再重蹈覆轍，若今次節目中能配對成功，誓將工作與拍拖取得平衡，同時亦不再任人魚肉。
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|
