大讚「禮儀先生」吳敬浩顏值極高
事緣有網民在社交平台發布多張無綫新人吳敬浩擺出型格姿勢的帥氣照片，並發文激讚：「哇哇，TVB呢個新人好靚仔，叫吳敬浩，放落《愛·回家》都唔失禮！」帖文迅速吸引到吳若希現身留言區互動。吳若希不僅毫無前輩架子，更主動爆料對方早已踏足過劇組，毫不掩飾對這位新人的欣賞：「佢有做過㗎，我第一眼見到佢嘅時候都覺得佢好靚仔，快啲大叫佢入嚟做一個main cast la（主演）！」公開為後輩爭取上位機會。
吳若希展自嘲「古理吾島」
除了討論新人，不少一路追看《三代同糖》的忠實觀眾，對於「唐萬里」突然被劇組安排遠赴吳旺達感到極度無奈與懷念，紛紛藉機向吳若希隔空喊話。有文采斐然的網民更特別套用經典歌詞留言表達思念：「這剎那你在何方，我有說話未曾講。唐萬里你幾時返嚟，我去『搵理唔島』，都搵唔到你呀！」字裡行間滿是對她早日回歸劇組的期盼。面對網民的熱情追問與暗湧不斷的離隊揣測，吳若希亦發揮其標誌性的高EQ自嘲功力：「你喺搵理唔島，梗係搵我唔到啦，我喺古理吾島～下次要去啱地方！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
