掃呢頁CODE去手機

2026年11月18日 星期三

林耀聲做地盤爬樓梯搭架暴瘦15磅 曾遭工友說「唔想喺度見到你」 #林耀聲

曾憑電影《點五步》擔正男主角而為人熟知的林耀聲,今年9月曾因在社交平台貼出地盤開工及手指受傷流血的相片引起關注,當時同樣投身地盤界的「職安真漢子」吳浩 ...




曾憑電影《點五步》擔正男主角而為人熟知的林耀聲,今年9月曾因在社交平台貼出地盤開工及手指受傷流血的相片引起關注,當時同樣投身地盤界的「職安真漢子」吳浩康(Deep)更特意轉發帖文為他隔空打氣。林耀聲日前接受梁浩賢、甘永傑主持的YouTube節目《浪談老事》訪問,親口剖白轉戰地盤的來龍去脈,原來是他主動在IG私訊吳浩康「求職」,加入對方公司負責外牆維修搭架。做足半年地盤的他更自爆日爬廿幾層樓梯,體重由近150磅暴瘦至130幾磅,期間曾遭工友冷嘲「大明星」,另外亦遇上工友說「唔想再喺度見到你」,不過原來該工友是林耀聲的影迷,「唔想喺度見到你」是因為希望他早日再有戲拍,在大銀幕上見!

林耀聲,今年9月曾因在社交平台貼出地盤開工的相片引起關注。(IG@lamyiusing)


林耀聲日前接受梁浩賢、甘永傑主持的YouTube節目《浪談老事》訪問,親口剖白轉戰地盤的來龍去脈。(YouTube@ 輕鬆啲 HZD)


影市低迷再陷無戲拍困境 林耀聲為生計做地盤:唔想等機會

林耀聲17歲在球場被導演麥曦茵發掘,憑《烈日當空》出道即做男主角,惟其後經歷長達8年事業真空期,為免全職工作阻礙隨時請假試鏡及拍戲,多年來先後做過跟車、侍應、裝修、磨雲石及壽司學徒等逾30份散工,被封為「散工王」;直至2016年憑《點五步》彈起,及後在《風再起時》飾演少年版梁朝偉,更獲偉仔親讚「年青有為」。

然而近年本地影視市道低迷,林耀聲在《浪談老事》中坦言因無工開,決定「馬死落地行」為生計打拼:「因為真係市道差囉,冇工開囉,咁又唔想日日喺屋企等,唔想等機會囉,咁同埋都要食飯。呢個係好現實,無錯,就係為咗生存。」

林耀聲在《浪談老事》中坦言因無工開,決定「馬死落地行」為生計打拼:「因為真係市道差囉,冇工開囉,咁又唔想日日喺屋企等,唔想等機會囉,咁同埋都要食飯。呢個係好現實,無錯,就係為咗生存。」(IG@lamyiusing)


主動IG私訊吳浩康求職 林耀聲考牌入行:收錢舉鐵順便減肥

談及入行經過,他透露早年曾與吳浩康合作並留有聯絡方式,見對方近年轉型做地盤有聲有色,便鼓起勇氣在IG發訊息

林耀聲鼓起勇氣在IG發訊息,直接問吳浩康「有冇工開?」及「你嗰邊請唔請人?」對方隨即回覆指可以請人,但前提是要先考取「綠卡」(平安卡)及「工人註冊證」。他考牌後正式加入吳浩康的公司開工。(IG@ngdeep)


至於為何揀選地盤而非其他散工,林耀聲豁達表示全因自己平時有健身習慣:「嗰條bar又幾似我平時做gym嗰條 bar,咁我又去gym room舉鐵,咁我不如收錢舉鐵呢個概念呀真係,真係呀,我真係順便減埋肥呀!」(IG@lamyiusing)


每日爬廿幾層樓梯開工10小時 林耀聲做半年暴瘦十多磅

事實上,地盤體力消耗遠超健身室。林耀聲9月時曾分享一張開工後全身濕透、沾滿污泥的自拍照,感嘆「地盤真係一個好好減肥同鍛練意志嘅好地方」。他在節目中進一步透露,由於部分工地當時尚未設有升降機,每日開工都必須徒步爬上廿幾層樓梯搭架,午飯時間再慢慢行落樓,食完飯又要咬緊牙關行返上去:「頂,跟住就真係當做運動。我做咗半年,我由差唔多150磅,去到依家我應該130幾磅!」

由於部分工地當時尚未設有升降機,每日開工都必須徒步爬上廿幾層樓梯搭架,午飯時間再慢慢行落樓,食完飯又要咬緊牙關行返上去,林耀聲說:「頂,跟住就真係當做運動。我做咗半年,我由差唔多150磅,去到依家我應該130幾磅!」(YouTube@ 輕鬆啲 HZD)


除了體能挑戰,地盤每日長達10小時的作息亦令他疲憊不堪。他分享自己每日清晨5時便要起床,8時準時開工至下午5時半收工,收工後往往累到連晚飯都吃不下,直接回家睡覺,翌日5點又再起床。

他分享自己每日清晨5時便要起床,8時準時開工至下午5時半收工,收工後往往累到連晚飯都吃不下,直接回家睡覺,翌日5點又再起床。(IG@lamyiusing)


遭地盤工友揶揄「大明星」 卻因一句「唔想再喺度見到你」暖入心

由大銀幕走入地盤,難免引來旁人目光。林耀聲直言在地盤確實遇過工友冷嘲熱諷:「咁有啲地盤佬就口臭,就講:『你大明星...』係囉,梗係有呢啲嘢。」不過,他同時亦在工地收穫了最窩心的支持:「因為我識裡面有一個真係識得我嘅fans,睇過我做戲,佢話:『你嚟咗呢度做呀?』跟住我話:『係呀係呀,我嚟呢度做呀。食飯搵食啫,我唔係放棄演員嘅。我會有戲拍,我都會走去拍戲嘅。』跟住佢講咗句好窩心嘅說話:『咁我真係唔想再喺呢度見到你。』跟住我話:『好喎,我都唔想喺度見到你。好希望下次你喺呢度睇返我喺大銀幕度,我請你睇戲。』」林耀聲感性表示,這番話對自己而言是莫大鼓舞:「嗰一刻其實係好鼓勵同好窩心。嗰刻其實我真係叫做馬死落地行,我其實都仲係有個演員嘅夢,我都仲想做演員,我喺度真係搵餐晏啫。」

林耀聲直言在地盤確實遇過口臭工友冷嘲熱諷:「你大明星…」(YouTube@ 輕鬆啲 HZD)


不過地盤中亦有林耀聲的粉絲,聊天時他解釋自己並非放棄做演員,而是搵食,但有戲拍還是以演員工作優先,他續說:「跟住佢講咗句好窩心嘅說話:『咁我真係唔想再喺呢度見到你。』跟住我話:『好喎,我都唔想喺度見到你。好希望下次你喺呢度睇返我喺大銀幕度,我請你睇戲。』」(YouTube@ 輕鬆啲 HZD)



本文作轉載及備份之用 來源 source: http://www.hk01.com
鍾意就快D Share啦!