

台慶抽中45萬大獎 妻兒電視機前興奮跳起:哥哥沖緊涼都出嚟睇
回想抽中45萬大獎的一刻,顏志恆依然難掩激動,透露過去兩年台慶自己其實都曾躋身抽獎最後階段,今年終於獨得終極大獎:「個波爆嗰下我直頭係『嘩!我得咗』」中獎後,顏志恆第一時間心繫家中妻兒,致電太太報喜,可惜一度未能接通,估計當時一家人正興奮慶祝。兩人及後終於聯絡上,他才知道太太與兒子正安坐家中收看電視直播,更笑言回家後一定要重溫家中閉路電視畫面,見證妻兒激動彈起的一刻:「我今晚都要睇返CCTV片先!我老婆話佢哋跳到彈起晒,話哥哥沖緊涼都要出嚟睇喎。」
獎金全數交老婆安排 感激愛妻多年付出:會一齊plan點用
被問到是否需要將45萬獎金全數「上繳」太太,顏志恆笑言:「唔使講啦,要講嘅咩?我哋而家一齊夾,夾點樣用,因為認真嘅,我老婆為我付出咗咁多,好辛苦。我哋會一齊plan吓點樣用呢筆錢,仔女升學又好、我哋大家買保健品食吓又好、去吓旅行又好,總之我哋兩個要有共識,成家人點樣健康開心地使呢筆錢。」他又透露想用獎金出歌,希望自資出歌能加快進度。
他中獎後,一班《中年好聲音》戰友亦隨即蜂擁而至要他請客,令他哭笑不得:「你知佢哋為人㗎啦,我無端端變咗一個好重要嘅師兄啊,《中1》《中2》《中3》《中4》走晒埋嚟。」他指晚肥媽同樣幸運中獎,所以可能會與對方夾份請大家大吃一頓慶祝。
黃劍文食雞髀痛失10萬獎金 顏志恆送夠20隻雞髀補數
向來缺乏橫財運的顏志恆坦言,從未中過六合彩,平時亦不賭馬,直到參加《中年好聲音》後運勢才逐漸好轉:「我記得TVB有啲賀年節目,有得抽金龍、金蛇,都試過中過條蛇仔,總之係金嘅,開始覺得有啲運。」至於當晚有否特意穿紅底褲催運,他笑言原本有此打算,但出門前竟忘記得一乾二淨。
此外,黃劍文當晚原本同樣被抽中,卻因行開「食雞髀」未能及時現身領獎,白白痛失10萬元獎金而大感心痛。顏志恆聞言即搞笑「安慰」:「首先我一定會20倍償還返俾佢,20隻唔同口味嘅雞髀,我promise咗,一定會送俾佢。」講到他本身是廚師,不如親自烹調予對方,他說:「我自己親手叮熱佢,同埋有啲未有嘅味道,我都會嘗試一啲新嘅味道烹調俾佢,佢而家啤緊我……」記者指要送「金箔雞髀」才能安撫對方,他則笑說會用金色碟裝住。
本文作轉載及備份之用 來源 source: http://www.hk01.com
|
鍾意就快D Share啦!
|
|
|


