前港姐亞軍陸詩韻亮相HOY綜藝節目《九運會客室2》擔任嘉賓，親述當年離開TVB後創業，卻慘遭前男友欺騙以致「人財兩失」的黑暗經歷。陸詩韻透露在TVB四年後離巢，與當時做生意的男友合組貿易公司，因出於保護對方而以個人名義開設公司，豈料誤墮陷阱，令公司嚴重入不敷支。
陸詩韻大爆自己在不知情下簽署個人擔保向銀行借貸，並被安排以極高人工「交多啲稅借多啲錢」。公司資金周轉不靈後，男友要求她向家人借錢填補，陸詩韻父親得知後察覺事態嚴重，更下達最後通牒：「你一定要同呢個男仔分開。如果你唔分開，你聽日同我登報紙，我哋斷絕父女關係！」
隨後陸詩韻更驚悉男友原來未與太太離婚，自責「戀愛腦」而慘遭債主臨門貼大字報，一度陷入崩潰邊緣，幸得家人無條件支持才挺過難關。在節目尾聲，李凱賢（Brian）單刀直入質疑她是否「全天然」，她更不惜在鏡頭前示範做「豬鼻」動作平反，更有人隨即親自上前「驗貨」，當場出手觸摸其鼻樑與面頰，並向鏡頭認證：「真嘅！堅嘅！純天然！」現場氣氛相當熱烈。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
