掃呢頁CODE去手機

2026年11月22日 星期日

谷婭溦與曾志偉返鄉下被捕獲 曾爆做婦科手術靠男方搭路關係匪淺 #曾志偉 #谷婭溦 #谷微

現年36歲的「巨聲幫」出身歌手谷婭溦(Vivian)向來深受無綫(TVB)高層器重,即使約滿離巢後,與前東家高層關係依然非常密切。日前有網民於小紅書分 ...




現年36歲的「巨聲幫」出身歌手谷婭溦(Vivian)向來深受無綫(TVB)高層器重,即使約滿離巢後,與前東家高層關係依然非常密切。日前有網民於小紅書分享在湖南衡陽偶遇明星飯局的照片,同場竟見無綫總經理曾志偉及鄧兆尊現身,陣容相當驚喜!

谷婭溦剛宣布約滿離巢TVB。(IG@viviankoomei)


再度發文澄清並非離開樂壇。(IG@viviankoomei)


離巢後照獲關照 衡陽私下飯局曝光

從網民上載的相片可見,谷婭溦以一身全黑休閒衛衣配襯名牌冷帽現身包廂飯局,席間她一邊食嘢一邊與身旁友人傾偈,心情大好。雖然已離開TVB,但身為衡陽人的她今次回鄉,依然獲無綫總經理曾志偉親身捧場,足見她在「獎門人」心目中的地位依然穩固,兩人私交甚篤。

有網民喺小紅書分享明星飯局嘅相片,意外曝光谷婭溦、曾志偉同鄧兆尊同枱食飯。(小紅書圖片)


曾志偉豪邁「啃骨」 鄧兆尊罕見現身飯局

同場焦點當然落在曾志偉及鄧兆尊身上。身穿粉藍色長袖衛衣的曾志偉在飯局上毫無架子,更被影到雙手直接拎起大塊肉骨頭豪邁大啖咬落去,食得津津有味,表現極度貼地。至於近年專注網上節目、鮮有在內地露面的鄧兆尊亦驚喜現身同枱食飯,身穿黑白運動外套的他專心望向前方,神情相當專注。三人同場聚餐,令不少網民大感意外。

曾志偉身穿粉藍色衛衣現身包廂,席間接雙手拎起大舊肉骨頭豪邁「啃骨」。(小紅書圖片)


鮮有喺內地露面嘅鄧兆尊亦驚喜現身同場飯局,身穿黑白運動外套嘅佢神情專注。(小紅書圖片)


谷婭溦戴上名牌冷帽、身穿全黑衛衣現身飯局,一邊食嘢一邊與友人熱聊,心情相當不錯。(小紅書圖片)


曾爆做婦科手術獲曾志偉搭路 感激指:真係好似爸爸一樣

谷婭溦與曾志偉一直關係匪淺,她過去受訪時曾公開感激曾志偉的照顧,更自爆前年曾在內地做婦科手術,全靠對方出手相助:「曾生係每一次我有需要、我搵佢嘅時候,佢永遠都OK,包括我喺內地嘅時候,佢話『你有咩要幫助、或者想我幫你嘅時候,都可以同我講』包括我上年喺內地要做手術,佢幫我安排晒所有嘢,所以好多謝你。」

谷婭溦嘅音樂學院開幕,獲曾志偉撐場。(影片截圖)


一提到對方嘅恩情更忍唔住眼濕濕。(截圖)


谷婭溦其後接受娛樂台訪問時,更感性形容曾志偉如同父親:「當你最唔舒服、身體狀況最差時,有位前輩係咁話幫你安排晒所有嘢,而嗰時我同佢唔太熟。佢畀好多支持我,我覺得真係好似爸爸一樣。」她又透露當時因身體不適向曾志偉解釋需推掉內地工作,隨即獲對方幫手聯絡港大醫生安排手術:「係婦科嘢,曾生之後幫我搵到港大醫生,真係好感恩。」一提到「爸爸」的恩情,谷婭溦更不禁眼濕濕,難怪即使離巢後,兩人依然保持緊密聯繫。

點擊睇谷婭溦閨房及更多靚相:


本文作轉載及備份之用 來源 source: http://www.hk01.com
鍾意就快D Share啦!