藝人陳星妤和梁超怡最近因無綫戀綜節目《女神配對計劃2》人氣急升，兩位女神情路兜轉，梁超怡更險做小三。至於被網民認定為「釣金龜」而加入娛樂圈的陳星妤，坦言以往的確看重另一半的背景，曾被「玩家」拖拉3年，感嘆多位前度已變為成功人士和人夫，讓孑然一身的她不禁自嘲幫人「調教」老公。
梁超怡與陳星妤最近以「隱藏女神」身份參加無綫戀綜《女神配對計劃2》，雖然超怡已遭淘汰，但由於節目討論度高，兩人的感情觀引起不少網民好奇。談及網民對二人的刻板印象是入娛樂圈「釣金龜」，問經濟基礎是否擇偶重要一環？星妤直言可能自小受父母灌輸的概念影響，年輕時會較多考量物質方面：「家人好反對我中學拍拖，成日話拍拖會耽誤學業、浪費時間，對方可以畀到咩你呢？我比較保守，對我嚟講搵男友就係搵老公，到咗我18歲入大學時，希望男友會有一定經濟能力，會諗佢係開咩車、有冇正當職業、喺邊度讀書，細個會睇呢啲。」她自爆大學時期的交往對象正是年長十多歲的事業型熟男，不過，隨着年紀漸長，星妤由實際型變成戀愛腦，直言渴望真正的愛情，她說：「人愈大，發現睇人唔需要諗咁多，而係着重性格，睇佢係咪正直嘅人，係咪可以夾到。（財政能力唔重要？）依家會睇佢肯付出幾多，而唔係金錢多與少。」
至於超怡直認經濟條件重要，現時找對象的目標是結婚及組織家庭，但對她來說，首要條件是有Feel，還透露曾獲條件優越的男生追求：「試過認識同了解啲條件比較好嘅男性，但發現唔夾，大家冇火花就會停，唔會開始，Feel係冇就冇，唔會因為相處得耐就會有。」
兩位女神在情路上同樣遇過渣男，幸好超怡機智識破對方的真面目，才沒有誤做小三，她表示：「對方係做補習社，我發現佢將我嘅電話Save咗做『乜乜家長』，我覺得有古怪，發現原來佢係有另一半，但可能對方出緊差，好在大家當時仲未開始拍拖，只係約食飯階段。」她自認善於觀察及天生敏感，不易受騙。
自嘲幫人「調教」老公
而星妤曾有位前度一直處於「未玩夠」的狀態，每次「玩完」就會重投她的懷抱，陷入無限輪迴：「我知道佢鍾意玩，好無奈，你唔可以阻止佢，否則佢只會玩得更勁。我試過放手畀佢玩，以為佢差唔多玩夠會返嚟搵你，覺得你係最好，但原來佢只會不停重蹈覆轍。」她稱彼此走過高低起伏，男方各方面都優秀，只有「未玩夠」這個缺點，讓她以為自己能改變對方：「佢話如果我有咗小朋友，一定會娶我，但我唔想要咁嘅順序，我唔想逼佢。」兩人糾纏近3年，星妤最終醒覺，意識到縱容對方就等於傷害自己，最後分手收場。她指除了這位尚未收心的前度外，多位舊愛已結婚做人夫且事業有成，苦笑表示感覺在幫人訓練老公：「有啲同我一齊嘅時候唔係依家呢個樣，我係讀時裝，我好鍾意靚嘢，係我令到佢哋喺呢方面有要求，而且我同佢哋一齊時，佢哋仲係捱緊，依家已經唔係，係一個有成就又好好嘅人。」
何沛珈淪箭靶 郭珮文抱不平
今次參加《女神配對計劃2》的兩位「女神」郭珮文、何沛珈亦有齊齊受訪，她們大談擇偶條件，本身是「吃貨」的郭珮文喜歡男生識飲識食，對食物有要求，而前男友兼「求愛勇者」Ice跟她口味相近，喜歡甜食，愈甜愈開心。Ice為拍節目留港4個月，期間需往返美國處理私務，為追求郭珮文花了不少錢，何沛珈聞言即講笑：「Ice年薪可以支持到。」郭珮文指對方有很多不同投資，但不方便由她透露。Ice一心想做藝人，問郭珮文會否幫他鋪路來港發展？她笑言自顧不暇，讚Ice擅長與人溝通，相信沒問題，又指節目最大收穫是克服「社恐」問題，提高表達能力。
Oscar成堅強後盾
至於何沛珈希望以結婚作為交往前提，認為了解對方的處事態度很重要：「我都有唔開心、有情緒嘅時候，對方點接住我嘅情緒好重要。（Oscar接到你嘅情緒？）佢係令我改觀，好多諗法都好成熟，亦好識安慰人。」被指是綠茶婊、雙面人的她，因為跟俞可程「爭仔」惹來更多抨擊，Oscar亦淪為「渣男」，飽受負評的何沛珈反過來擔心輿論會影響Oscar：「但佢好堅定話覺得我唔係咁嘅人，我被堅定認可係好大鼓勵。」郭珮文對何沛珈惹來劣評感到愕然，並力撐對方：「以為都係食花生，點解變咗攻擊人？網民對一句說話或一個片段就話一個人唔好，太武斷，佢係好真嘅人，所以有少少戥佢唔開心。」又指若自己遭受負評，未必能夠面對。
更多新聞，請瀏覽東方日報網頁：
本文作轉載及備份之用 來源 source: http://hk.on.cc
|
鍾意就快D Share啦！
|
|
|
