2013年5月22日 星期三

讀書緊要  9月入 U 樂基兒 20歲索妹拒選港姐




高過家姐

10年當時得 17歲嘅 Crystal嚟香港探家姐 Gaile, Gaile帶佢去深水灣玩 wakeboard。當時人仔細細嘅 Crystal已經高過家姐(約 5呎 9吋),而且輪廓標致,只係有啲 baby fat。

真面目

讀書緊要  9月入 U 樂基兒 20歲索妹拒選港姐

32歲樂基兒( Gaile)自從同黎明離婚後,一直遊山玩水,得閒先返港開工唔憂做,反而有傳其 20歲同母異父胞妹 Crystal急入娛圈,仲會以海外佳麗身份參加今屆香港小姐, Gaile更為此與細妹吵大鑊。

據知, Crystal其實對選美冇興趣,以學業為重嘅佢,最近更考入美國著名學府 UC San Diego(加州大學聖地牙哥分校), 9月便開始讀 Yr.1。選港姐? 4年後先講!

每年踏入夏季又到港姐招募,雖然海外佳麗年年陪跑,但起碼能製造話題,最近仲有傳 Gaile 20歲細妹 Crystal已報名,將以三藩市海外佳麗姿態參選。

Gaile話細妹 Crystal冇諗過選港姐,不過就話妹妹如果真係想入行,佢一定會幫手。

Crystal雖然係 Gaile同母異父所生,不過同 Gaile同樣有共同嗜好,喜歡水上運動。閒時都喜愛夜蒲,但自從傳出選港姐,佢即時刪掉 Instagram戶口。

冇興趣選美

Crystal為樂基兒同母異父的胞妹, 10年曾經跟家姐返港到深水灣玩 wakeboard。當時得 17歲的 Crystal,已有 5呎 9吋高,加上五官標致,開始惹人關注,的確有齊選美條件,但她卻對選美零興趣。

知情者說:「 Crystal好乖女,成日黐住媽咪,所以佢根本由頭到尾都冇諗過選港姐,更加冇同 Gaile嘈交啦!就算真係入行,都等大學畢咗業先。」

長腿妹妹

現居於三藩市的 Crystal,同細妹 Salena都天生明星相,已經 20歲嘅佢明顯已搣甩 baby fat,一對長腿相當吸引。(網上圖片)

Crystal最近剝咗智慧齒,搞到塊面又紅又腫,仲被細妹 Salena偷影,可見兩姊妹感情唔錯。(網上圖片)

樂基兒:「我會幫佢!」

據知 Crystal讀書成績不俗,最近更考入全美排名唔錯嘅 UC San Diego(加州大學聖地牙哥分校), 9月開學,擺明想做高材生多過做港姐。雖然無綫非戲劇總監餘詠珊大讚 Gaile妹選美有「 gimmick」(綽頭)!但 Gaile上週四( 16日)出席 Benz記者會時表示:「佢唔識睇中文,根本唔知發生咩事,佢啱啱入大學,冇諗過選港姐,如果佢真係想入行,我會幫佢。」

有名模家姐帶入行,使乜選港姐先?本刊致電 TVB外事部,副總監曾醒明表示:「海外佳麗啱啱截咗止,未知 Gaile個妹有冇報名喎!」

今年 3月 Gaile返三藩市逗留兩星期,同一家人到遊樂場玩。關係融洽,點會為參選港姐而嗌交?(網上圖片)

今年港姐己開始招募, 6月 2日截止。港姐人氣一年差過一年,如果有 Gaile妹選,肯定好有話題,可惜 Crystal冇興趣。《蘋果日報》圖片

專出高材生

樂基兒細妹 Crystal入讀嘅 UC San Diego,位於美國加州聖地牙哥區一所頂尖公立大學。該校學系以科學、醫學及美術等聞名。各學系於全美都得到頗高排名,更出產過唔少諾貝爾獎得主, Crystal都算叻女啦。

UC San Diego出產過唔少諾貝爾得主,而科大前校長朱經武亦曾於 UCSD修畢哲學博士學位,相當猛料。

朱經武

於美國權威教育網站 US News教育網, UCSD全國排第 38。由於全美約有 3千 6百間大學,證明 UCSD係一間相當唔錯嘅大學。

15歲妹仲索

Gaile 21歲細妹 Crystal有外貌又有學識,而最細胞妹 Salena亦相當標致。 Salena今年 15歲,喺佢自己 Instagram就有好多索爆自拍相,絕對有潛質入行。

讀緊 high school嘅 Salena樣子甜美,加上性格爽朗,唔少男同學爭住同佢合照。(網上圖片)

(網上圖片)

Salena同 Gaile一樣典型鬼妹仔,自拍時好多鬼馬表情。(網上圖片)



鍾意就快D Share啦!
Related Posts Plugin for WordPress, Blogger...