姊妹內鬥 鬥歌爭 job 24歲連詩雅騎住 33歲官恩娜

第一次宣傳，麥當勞搵咗官恩娜做嘉賓。《蘋果日報》圖片

真面目

姊妹內鬥　鬥歌爭 job　 24歲連詩雅騎住 33歲官恩娜

33歲官恩娜近期新聞多多，被踢爆有個開鑽礦的有米老豆，又有個索爆細妹開珠寶店，絕對係圈中隱形富二代。

屋企大把錢，官恩娜唔靠父蔭，去年加盟華納唱片、取代薛凱琪做華納一姐。本來轉會應該大把機會發圍，偏偏遇着 24歲蔔蔔脆師妹連詩雅，無論人氣或 MV點擊率全部贏曬，而且有戲拍又多 job接，全面騎住官恩娜。

嫌老換人

第二次宣傳， Ella已經冇得撈，換咗 Shiga喇！

24/4

12/5

本週二（ 21日）舉行的 Red MR頒獎禮， Shiga將同 Eason（小圖）一齊攞「最紅點播」男、女歌星獎，威爆！《蘋果日報》圖片

被爆屋企大把錢的官恩娜，去年接薛凱琪棒做華納一姐，轉會後即獲同門師兄方大同親自作主打歌〈 So In Love〉，又可以破冰上 TVB音樂節目，發展好過以前多多聲。

抄足 Fiona

難得有碟出，官恩娜對即將於暑假推出的 EP極之緊張，點名要求搵著名台灣 MV導演、曾經幫前華納一姐薛凱琪拍唔少 MV的陳映之操刀，擺明要跟足 Fiona。

「 Ella一入公司已經講明要有一姐待遇，公司最初都肯投資落佢身上，但 Ella愈來愈多要求，指定要請番以前個助手過嚟跟佢，又話要拉大隊飛台灣拍 MV，最衰出到嚟反應麻麻；反而 Shiga啲 MV製作成本低但點擊率夠高，加上 Shiga好識做，唔敢逆公司意，叫佢做乜都肯， Ella就真係當正自己係一姐咁款。」知情人士透露。的確，最近兩人同期派新歌， Shiga的反應就比 Ella好，而本週二（ 21日），由 Red MR舉辦的全年點播率最高歌手獎， Shiga更升曬呢與 Eason同獲「最紅點播」男、女歌手，攞足彩。

我唔清楚佢有乜工作！（真實對白）

Ella上週六（ 18日）回應記者時有問必答，但一講到 Shiga就好快俾助手拉走。

Ella新歌〈 So In Love〉推出 2個月，點擊率只得 12萬幾，成績一般。

陳映之（左）喺 MV界相當有名，曾經幫蘇打綠、楊丞琳等拍過 MV。《蘋果日報》圖片

嫌 Ella老

年過 30的官恩娜，人氣冇師妹咁高，連廣告商都寧願揀後生一截的連詩雅出騷做代言。據知上月麥當勞搵官恩娜拍住周柏豪宣傳麥趣飯，但後來嫌官年紀稍大，決定 5月宣傳時換連詩雅頂上。

麻煩多多又唔受歡迎，官恩娜上週六（ 18日）出席港台活動時，竟然唔認帶埋禦用助手過檔，「其實係咁啱個同事轉工，呢邊又有空缺啫，我簽咗新公司之後半年佢先嚟㗎！（ Shiga有拍戲又多 event喎！） Shiga好勁呀，不過我入咗嚟 8、 9個月，已經有 3個電視廣告同 3個代言！（怕唔怕同師妹比較？）我唔知呀，我唔清楚佢有咩工作，不過最緊要幫到公司賺錢啦！」賺到錢前，都要幫公司慳吓㗎 Ella！

Shiga曝光率極高，每星期起碼有 3、 4個活動，算係華納小吸金王。

出道短短 3年， Shiga已拍了《喜愛夜蒲》系列同幾套微電影，現時又拍緊葉念琛新戲《溝女不離三兄弟》，長拍長有。

首首爆

冇名導幫手，只起用本地土炮拍 MV的連詩雅，竟然出乎意料受網友歡迎， MV點擊率輕易破 100萬，撼贏唔少揼本製作的樂壇天王天後！

新歌〈說一句〉推出個多月，已有接近 1百萬點擊率。

〈到此為止〉製作簡單，但舉吓紙牌都有 5百幾萬人睇。

《喜愛夜蒲》主題曲〈 I'm Still Loving You〉點擊率過 7百萬，勁！

鍾意就快D Share啦！

下一篇 》