掃呢頁CODE去手機

2013年5月17日 星期五

女人,身痕!




劉嘉玲 心口見紅

媽咪姐

女人,身痕!

曾幾何時,女人要三從四德,相夫教子。但今時今日,女權當道,女人隨時玩得比男人更癲更放。但玩還玩,真係唔好留低痕跡,好似以下幾位女星名人,玩到疤痕盡現,又真係幾礙眼。

劉嘉玲上周四( 9日)以揭幕嘉賓身份現身澳門話題騷「 TABOO色惑」活動,喺芸芸女星中可以打頭陣,嘉玲嘅地位當然毋庸置疑。不過着住低胸戰衣,心口正中位置離奇出現紅點,仲有疑似被抓傷嘅痕跡,認真大煞風景。

Jessica C 紅酒燴人膝

靠警鐘胸搵食嘅 Jessica C,上周四、五連續兩日出席活動提高曝光率。 JC上半身無敵,但下半身就唔多得,除咗雙腳粗壯外,膝頭仲紅到發紫,有警鐘胸都無補於事啦!

周四

周五

榮文蔚 爛腳復活

何超瓊主理嘅公關公司舉辦慈善相展,於上周六( 11日)開騷,超瓊老死榮文蔚當然俾面撐場。早前捲入男模訛騙案而唔敢喺公開場合蒲頭嘅榮文蔚,當日一出現隨即成焦點,事關佢對樹根腳布滿紅瘀斑點,前後睇都一樣咁立體。

榮文蔚雙腳好多蚊赧,真係幾瘦幾長都冇用。

一切已成往事,阮偉文同榮文蔚再度喺 ball場合體,貌合神離又有乜所謂。

趙式芝 異性接觸

趙式芝自爆與另一半 Sean搞同志婚禮,勇敢行為確令人佩服。可能佢嘅同性戀形象深入民心得滯,上周四( 9日)佢出席活動時,主動挑逗肌男,就略嫌重口味咗。係就係怪啲,不過唔好玩到身痕轉性就得喇!

趙式芝玩得癲,玩到咬鞭,相反 Sean躋身肌男間,就顯得拘謹,完全格格不入。



鍾意就快D Share啦!