掃呢頁CODE去手機

2013年5月17日 星期五

大女當街啜老外 關禮傑震驚:着住校服唔好親熱




娛聞樂

大女當街啜老外 關禮傑震驚:着住校服唔好親熱

《金枝慾孽貳》收視再創新低,上周最低只有 18點(平均 21點),雖然觀眾對劇中一線小生花旦的表現大失所望,不過《金枝貳》的二線演員如簡慕華及韋家雄卻彈起,而「男二」關禮傑更被讚年屆五十二依然 keep得咁好。本周《金枝貳》更以關禮傑的一場背妻召妓戲作招徠,繼續玩重口味。

育有兩女的關禮傑, 19歲大女楓馨( Fabienne)已長得亭亭玉立,加上樣貌標致,不但是校內風頭躉,更有不少狂蜂浪蝶埋身。記者連日追訪,發現她與一名外籍同學打得火熱,每天放學後都掛住拍拖,連老竇來接放學都懶理,一於戀愛大過天,情到濃時更不避嫌與男友在公眾場合攬腰熱咀。

據知關禮傑為此十分頭痛,為了令愛女專心讀書,他已密謀 9月送愛女赴英國升學,實行要愛女斬情絲。本刊致電關禮傑,當他得悉愛女楓馨與男友在公眾場合接吻時,死撐說:「佢應該知乜嘢唔做得……」

關禮傑近年主攻內地市場,○三年重投 TVB,維持一年一劇 keep人氣,但經常要香港內地兩邊走,與家人聚少離多。關入行三十年,一向是好好先生,只是去年在哈爾濱拍完廣告陪老闆落夜場,事後因為陪酒女郎上載與他的親密合照,令關太嬲爆與陪酒女微博罵戰。不過,此事無損關禮傑廿四孝父親形象,平日不用開工日子,他都會接送兩名女兒返學,加上他最近得悉長女拍拖,做老竇惟有跟緊啲。

據知關禮傑與老婆商量過,為免愛女拍拖影響學業,已密謀送愛女英國讀書,藉此讓她斬情絲。「 Eddie(關禮傑)都知 Fabienne(關楓馨)硬頸,所以唔會同佢硬碰硬。佢就梗唔鍾意個女咁快拍拖啦,始終父母都想個女讀多幾年書至談戀愛。但 Fabienne個樣咁甜,上咗中學後好多男仔追,初中嗰幾年 Eddie都成日提醒個女學業為重,個女都有聽,直至五個月前同個老外同學就行得好埋。 Eddie兩夫婦都唔敢講到出口話反對,咪惟有送佢去外國囉。」

上周四( 9日)放學時,大女楓馨同車內的老竇打完招呼後,便與男友行街拍拖。

撇甩老竇

11歲細女楓盈黐父母,關禮傑自言細女暑假時連 summer camp都唔敢去,上周四她亦乖乖跟父母車回家。

5月 9日放學拍拖

19歲的楓馨與意籍男友同讀劉平齋紀念國際學校,該校每年學費 7萬幾,校風開放,兩人亦不時拍住拖返屋企。

5月 10日打茄輪

上周五( 10日),呢對小情侶到朗豪坊食晚飯兼濕平。情到濃時,兩人更多次當眾嘴對嘴。

嘆壽司

兩人去「 Monster Sushi」食壽司,食咗大約一小時,由鬼仔埋單俾咗三百幾蚊。

睇手鏈

之後楓馨再去丹麥名店「 Pandora」睇手鏈,不過手鏈條條動輒兩千蚊樓上,兩人傾咗一陣都冇買。

連續兩日癡纏

記者一連兩日,都影到楓馨放學後與老外同學拍拖。上周四( 9日),關禮傑與太太梁安娜往九龍城接兩女兒放學,細女楓盈與他們同車回家,但大女楓馨上前與父親打完招呼後,便與外籍男友乘小巴,送男朋友返屋企,然後自己搭巴士返回加州花園。

翌日( 10日),楓馨和男友放學後換上便服,同往朗豪坊食壽司兼行街,他們在扶手電梯時,更多次情不自禁嘴對嘴 kiss。據知楓馨的男友是意大利人,和家人居住在黃金海岸,兩人拍拖已有五個月。

愛女與男友當街拖手 Kiss,致電關禮傑他表示不知情,對女兒當街咀更十分震驚。關禮傑話:「吓,我唔知道佢哋拖手喎。始終着住校服,唔好咁親熱,會勸吓佢。(佢哋仲 kiss喎!)吓……係唔係借位咋?(真係嘴對嘴!)拍拖實有,總之唔超越呢啲行為都 OK。」

敏感嘢太太講

面對女兒與男友親熱行為,關禮傑明顯不知所措:「大女十三、四歲時,我已經同佢講,十八歲先好拍拖。唉,其實做老竇梗係想個女陪我耐啲啦!(有冇灌輸性教育呀?)我哋係基督徒,太太之前已同佢(指大女)傾過,作為基督徒,佢應該知道乜嘢可以做,乜嘢唔做得,我同太太只可以相信佢,而且佢十月都去英國升學,讀 education啦。」

關禮傑坦言個女受軟唔受硬︰「我一向都用朋友式嘅態度同女兒相處,咁兩個女先會乜都講。至於敏感話題,呢啲嘢(性教育)都係太太同佢講會好啲,佢哋都係女人,會冇咁尷尬。」

見過雙方家長

上周四,關禮傑駕車去接放學,大女楓馨唔上老竇車,寧願與男友坐小巴,小情侶更當街拖手, sweet到爆。

雖然大女拍拖只有五個月,關禮傑坦言見過老外男友,更連對方家長都見埋。他說:「二月大女生日時,我哋搞咗嗰生日派對,佢(指大女男友)同父母都有嚟。(印象如何?)個女開心就 OK,我覺得佢都幾斯文,其實應該係 puppy love啫。(介唔介意對方係外籍人士?)我太太都係混血兒,姨仔都係嫁外國人,所以我 OK。」

愛女樣子甜美,甚有「入行」條件,但關禮傑卻似乎唔想女兒入行:「我嫌大女唔夠高,成日笑佢高啲就好。(會否反對佢入行?)佢無乜興趣,總之作為父母,教識仔女明辨是非就可以,我俾好大自由度佢哋。」

藝人父母唔易做

藝人作息時間唔定時,想親自教導仔女更加唔易,加上藝人多數送仔女往外國或國際學校讀書,在思想開放的環境下,仔女亦容易變得反叛。

林珊珊細女牀照

現年 23歲的林珊珊細女李怡, 11年時介入樂隊 24味成員阿肥與黃泆潼的戀情,之後李怡更與阿肥同居,兩人的親密照更在網上流傳。即使母親林珊珊極力反對下,他們仍打得火熱。

苗僑偉大女啜爆

10年,苗彤在 facebook上載三點式泳衣及蒲夜店相,另外網上更流出她與韓籍男友的親密照。對女兒反叛,三哥苗僑偉無奈表示:「冇得阻止!」

收視福將

關禮傑近年主攻內地市場,是內地美容 show的常客。不過為保在香港的人氣,他在 06年以部頭形式重返 TVB,雖然多飾演二線角色,但除了今次的《金枝貳》,他的劇集收視一向不差。

關禮傑(右)與 TVB簽了一年一劇,雖然《金枝貳》收視低,但他為了劇集救亡,所有宣傳活動都有出席,仲同陳豪、苟姑娘玩遊戲。

《金枝貳》本周的重口味,便是講關禮傑背妻召妓。



鍾意就快D Share啦!