掃呢頁CODE去手機

2013年6月5日 星期三

出軌靚太 萬綺雯奸爆勾佬




錫到嘴歪

袁偉豪、萬綺雯首日開工,即拍激吻戲,仲拍咗 5、 6個鏡頭。除咗有一個鏡頭借位外,其餘全部真錫。

真面目

出軌靚太 萬綺雯奸爆勾佬

《金枝慾孽•貳》大結局玩夢中夢,穿插《金枝 I》片段更顯得所謂續篇難捱,最終收視仆到得 22點埋單。

緊接播映嘅《好心作怪》有元祖師奶殺手苗僑偉,再加 42歲防腐萬綺雯,黃宗澤孖周麗淇等孭飛。據知《好》劇除有萬綺雯首度演奸角,仲會出浴任睇,更同細佢 10年嘅袁偉豪車震激吻加床戰,蚊蚊又教飾演人妻嘅 JJ點樣姣老公行房。有曬呢啲場面,就算師奶唔睇,老豆阿仔都會捧場啦!

《好》劇去到 15集中段,萬綺雯會同下屬袁偉豪發生感情,更會有車廂激吻場面。

42歲萬綺雯去年加入無綫,首部作品《老表,你好嘢》大收,劇中飾演好人社工角色獲正評,估唔到在新作《好心作怪》中,萬綺雯除大轉變演奸角,更會搞人老公變狐狸。

靚太出浴

除咗激吻戲,劇中萬綺雯仲有一場出浴戲。該場戲交代佢同袁偉豪發生關係,萬綺雯嗱嗱聲走去沖身,可惜出浴戲只有 5秒,而且只係露肩。

咀兒時偶像

萬綺雯同三哥在劇中開頭是恩愛夫妻,不過反而冇親熱,只得相擁及輕吻。

萬綺雯劇中飾演三哥老婆,初時恩愛,之後因為三哥換咗黄宗澤個心,導致性格大變,夫妻感情轉淡,令萬綺雯出軌去勾人老公(袁偉豪)。其中一場車震戲,更係二人首次合作開工即拍。袁偉豪說:「當日等緊飛紙仔,未收到前,我仲同蚊蚊講笑話,我讀小學嗰陣睇緊《點解阿 Sir係隻鬼》( 92年亞視劇),你仲係我偶像嚟,點知收到張紙仔,第一場就要我同佢喺車廂激吻,拍咗 5、 6個 take左右啦!」

搞埋人妻

除咗車震戲,萬綺雯仲會同袁偉豪有唔少激吻戲,更有場出浴戲。她說:「出浴戲好少事啫,我有名打底王,只係露下背;反而同袁偉豪就係咁錫,幾乎拍親我同佢都錫,錫到咀都歪埋,多到我都唔記得。」

除咗場面夠爆,劇情亦相當踩界,戲中萬綺雯更會教飾演人妻嘅 JJ點樣姣老公,引老公上床。她說:「我個角色唔係大奸大惡,不過啲師奶觀眾應該對我又愛又恨。」教點引老公上床,師奶可能會覺得套劇有教育意義呢!

周麗淇搞孖仔

Niki表示喺《好》劇逢人咀,不過佢只係同黃宗澤、三哥有感情線,不過冇床戲,唔夠萬綺雯大膽。

各自偷食

《好心作怪》劇中主角幾乎個個有偷食,連黄智雯同黄宗澤都有一夜情再色誘王浩信,關係亂到咁,唔知師奶會唔會又睇唔明呢?

撩三哥

劇中周麗淇先同黃宗澤拍拖,之後再同三哥發生關係,同二人均有接吻場面。

咀宗澤

袁偉豪話一直視萬綺雯為偶像,當時得 10歲的他,睇住 21歲萬綺雯孭飛嘅《點解阿 Sir係隻鬼》,估唔到事隔 22年終有機會錫偶像。

袁偉豪

HKTV冇飛紙仔

齊劇本理所當然!(真實對白)

一直被人話成日唔齊劇本,要飛紙仔嘅無綫,就連今週播映嘅《好》劇都係飛紙仔完成。反而上週喺 YouTube狂放片花嘅 HKTV,原來全部都係齊劇本先開工。其中網友最 like嘅《警界線》,暫時有 17萬點擊。孭飛嘅智叔話:「齊劇本開工先係理所當然,去到現場先知拍咩,演員會有好多問號,好難演得好。」

《警界線》

《警界線》同《開腦儆探》片花都有過 15萬人睇過,網友話拍攝手法新鮮,不過《開腦》就有啲睇唔明喎!

《開腦儆探》


鍾意就快D Share啦!