高海寧最索龍女

高 Ling揸相機都算有板有眼，但吸引眼球嘅始終係佢嘅事業線。

FBI

高海寧最索龍女

有高海寧嘅活動，例必召喚到大量龍友撐場，唔知高 Ling係咪被人影得多，最近佢忽然想試吓影人滋味，仲買埋部 Canon 70D單反，變身做龍女四圍搵獵物。

好似上星期五（ 13日），高 Ling出席 TVB行政副主席梁乃鵬博士歡宴嗰陣，正當班攝影記者影緊 4位出爐港姐時， FBI突然見到高 Ling喺班男人堆入面出現，仲要用把鬼咁溫柔嘅聲音向住台上大嗌：「 4位呢邊呀唔該！」之後又不斷搵其他人影相，又唔怕醜咁問班攝影大佬點影先至靚！ FBI唔理高 Ling影相效果如何啦，難得有咁索嘅囡囡話想學攝影，大家仲唔識幾多教幾多咩！

如果多啲好似高 Ling咁嘅女龍友，影相就唔使成日俾人話毒啦！

高 Ling對自己嘅攝影技術相當滿意，影完班港姐即示意 ok。

四位呢邊呀！（真實對白）

成班男攝記影緊相，高 Ling突然插入，搞到班攝影師冇人影班港姐，個個望實高 Ling，原來揸相機都可以搶鏡。

之後高 Ling見張相唔多夠光，即場問攝記改善方法！不過教你又會俾人影、唔教又好似好衰，真係好難抉擇。

邦邦識做

雖然崔建邦冇份坐主家席，不過佢一經過，殼王就捉實佢同佢密斟喎，冇咗陳總照，邦邦一樣生存到。

唯唯升呢

歡宴當晚，老闆殼王陳國強（右二）都有到，同枱嘅除咗梁乃鵬博士同應屆港姐外，仲有梁烈唯（左）、陳敏之同謝天華（右）等。唔覺唔覺，唯唯原來已經升呢到可以同老闆同枱喎！

鍾意就快D Share啦！

下一篇 》