全城熱爆的娛樂八封新聞 & 時事趣聞 & 生活 + 趣聞
廖碧兒喺活動中話自己好努力做運動，最近返香港更每星期做三、四次運動，又學普通話，但睇嚟未夠努力囉。
喺內地密密拍劇嘅廖碧兒，最近趁放假返咗香港，上週四（ 12日）出席咗個護膚品牌活動。
不過冇見一排， FBI幾乎唔認得，最主要係碧兒嘅北味濃咗好多，一向鬼鬼哋嘅佢電咗一頭鬈髮加上一雙粗臂，極有街市賣菜靚嬸 feel；本來透視低胸短裙都幾有睇頭，之不過廖碧兒一轉身真係嚇一嚇，虎背熊腰現曬形，陳豪真係好在走得快。
廖碧兒一轉身即肥肉盡現，加埋個師奶頭同件黑色花裙，連喺內地撈足 10年嘅李彩華都嚇咗一跳！
不過廖碧兒都幾乖，活動一完咗就揸車返將軍澳新都城住所，冇出去蒲喎。
