早前栢芝在溫哥華素里區出沒時，雖然車上亦有播住音樂，不過我行我素的栢芝仍選擇戴 head phone聽自家音樂，唔知有冇聽番自己首〈任何天氣〉呢？
真面目
自力更生 斟新片 搵私己 栢芝收最後通牒急返港
7月尾帶住兩子離港往加拿大定居的張栢芝，多次傳出返港消息，今月初 Lucas已於溫哥華正式開學，栢芝表面上全面歸隱。
不過連日來栢芝經理人公司 AEG卻說，栢芝一早已請假以辦理移民和幫 Lucas開學，但實情栢芝只請假到月初，期間亦只以 WhatsApp聯絡公司延長假期。據知 AEG已向她發出最後通牒，下令栢芝於本月底自動現身斟洽接新片事宜，而栢芝亦將會帶 Quintus回港， Lucas則會留在溫哥華返學，由家姐碧芝和友人代為照顧。
難得栢芝有機拍新片，搵多個私己錢傍身都應該。
張栢芝自 7月帶仔落戶溫哥華素里區後，即有傳她將退出娛樂圈安心湊仔。不過其經理人公司 AEG老闆餘毓興則稱，「栢芝確實定居溫哥華，但不會退出娛圈，之後更會溫哥華、內地兩邊走。」
湊仔唔返港
前年加入國內經理人公司 AEG的張栢芝，據知因栢芝加入而一度令幕後老細揼水更手鬆，更不惜為栢芝開一間子公司「張栢芝工作室」；而一向玩性格的栢芝更要求話事權，除了接電影時要加意見，是否出席電影宣傳亦由她自己話事。如今歸期一改再改，據知經理人公司已被迫推掉幾個賺錢商演，最終餘毓興為向幕後老細交代，惟有出最後通牒，要栢芝在本月底蒲頭。
「栢芝初時過溫哥華係想試住幾星期，適應唔到就返香港，適應到就搞埋入學手續，後嚟話會喺 Lucas開學前返，之後又話要陪 Lucas開學，結果一拖再拖，上星期老闆忍唔住打畀佢，因為公司已經收到劇本要畀栢芝，有啲文件又要佢睇，而且有啲商演都要確定佢出唔出席得到，所以點都要迫佢返嚟。」知情人士說。
搵錢大過天
去年栢芝的四部電影票房雖然仆直，但無損導演搵呢位過氣影後繼續演戲，據知工作室內已有幾份劇本等栢芝回覆，包括明年開拍，男一已鎖定由甄子丹飾演的電影《夫妻殺手》。
早前又有傳關錦鵬監製的新戲會找栢芝飾演老婆婆，雖然話栢芝晨早講明開工要照顧兒子時間，不過成日拖，人哋好難就曬你喎！
眾叛親離？
自 2000年開始， Emily（周靜儀）已經負責湊張栢芝，低由助手高至經理人一腳踢，栢芝離婚後 Emily亦有份陪她度過兼解圍。自 11年栢芝簽約 AEG後，栢芝開始與 Emily疏離，甚至開工作室亦冇預 Emily一份，雖然栢芝冇講明唔用 Emily，不過她亦自知冇利用價值，近年只好幫栢芝喺香港接吓散 job， keep住個名吊命。
靠栢芝做王牌
栢芝的經理人公司 AEG喺國內 run咗幾年， 11年傾到栢芝即有王牌喺手發大嚟做，旗下藝人有張馨予和 Chrissie較為熟悉，而老闆餘毓興喺國內亦薄有名氣。
|
鍾意就快D Share啦！
|
|
|
