全城熱爆的娛樂八封新聞 & 時事趣聞 & 生活 + 趣聞
承認隆胸嘅莊思敏，早前以中門大開超性感晚裝出席自己做女主角嘅《溝女不離三兄弟》首映，原本真係冇得輸！「我貼曬雙面膠紙好安全，因為打底褲太緊，迫於無奈只好剪爛條打底褲。（激到真空？）有着底褲，今次算係入行以來最性感，最緊要靚！」
不過臨開場前，就俾客串嘅寸嘴 Barbie（夏尉喻）挑機，佢個胸仲大過個頭，左邊腋下又現咗一條大疤痕，佢解釋話：「係之前做心肌炎手術，唔係隆胸。（你個胸咁大有冇唔方便？）做運動係唔方便，着晚裝好有自信。依家科技隆胸點會有疤，唔會好大撻疤㗎！」 Barbie仲話睇將來有冇需要，有需要亦會考慮喎。
Barbie話：「多謝 friend送個『缽仔糕』俾我先有呢個效果咋！」咁謙呀，其實……係咪要多謝條疤呢？
對比相中嘅吳若希（左）同連詩雅（中），莊思敏（右）個胸真係贏曬！只係佢數漏咗爆乳 Barbie。難怪扁曬嘴！
