霆鋒插手安排囝囝返學
【黎寶倫北京直擊】張栢芝早前帶兩個兒子遠走加拿大多時，三母子日前已返港，但兩子就學問題依然受關注，有指學校向栢芝發最後通牒，要她交代大仔Lucas去留問題，身為父親的謝霆鋒昨日現身英皇新片《救火英雄》發布會時，直言Lucas會在香港上學，並會積極處理兒子返學的問題。
謝霆鋒與張栢芝離婚已一段日子，早前栢芝還帶兩個兒子Lucas及Quintus遠走加拿大，三母子近日返港，但有指Lucas仍未返學，學校更已向栢芝發最後通牒，促栢芝交代兒子去留問題。一直未就事件回應的霆鋒，昨日與餘文樂、胡軍、陳偉霆、導演郭子健及老闆楊受成等現身北京一間消防局，出席英皇電影《救火英雄》發布會，並談及兒子讀書問題。
或帶子送別嫲嫲
對於Lucas還未上學，霆鋒坦言：「會非常緊密搞呢件事，（阿仔喺加拿大定香港返學？）香港。（學校發最後通牒？）呢啲會搞，同佢會盡量配合。（栢芝唔畀個仔返學？）唔講人哋嘅嘢，自己盡量搞咗先。（王菲離婚，網友想你哋復合。）唔答呢啲喇。」
談到嫲嫲早前去世，霆鋒不諱言心情也有受影響，但不會影響現時拍片的劇組：「之後我會去澳洲出席儀式。（遺憾唔喺嫲嫲身邊？）年頭我去過一次，佢昏迷幾年，好奇跡試過瞪大眼望我十幾二十分鐘，最緊要知佢唔難受。」問霆鋒會否帶兩子到澳洲出席儀式？他說會視乎情況。談到有指此舉未獲栢芝批准，霆鋒謂：「冇啲咁嘅事。」
餘文樂拍戲傷背
另外，餘文樂透露與霆鋒有五、六年沒合作，如今再次碰頭感覺比從前好：「可能個人大咗，經驗都多啲。拍呢部戲體能上辛苦，全副裝備拍十幾個鐘，我都拉傷背脊。」活動後，霆鋒與餘文樂等均被在場粉絲及消防員圍住影合照。
|
鍾意就快D Share啦！
|
|
|
