2013年10月10日 星期四

男友借錢買上車盤 周麗淇:我一早知!




週二( 8/10)周麗淇去佐敦睇中醫,提到男友並非富二代,她笑曬口回應。

探熱針

男友借錢買上車盤 周麗淇:我一早知!

34歲的周麗淇返內地拍《大漢賢後衞子夫》,同 29歲內地演員徐正曦撻着,發展姊弟戀;男友被指是上海富二代,身家逾億。以為 Niki揸住個筍盤,但男友根本不是有錢人家,徐正曦父親及阿叔在上海開五金鋪,屬小本經營。

此外,去年底徐正曦購入沙田中心一個 400呎單位,也是向寰宇借首期才成功上到車。

對於男友並非有錢仔,周麗淇直認:我一早知!

其他影片
有讚無彈

今年六月,周麗淇與林峯合作拍攝內地劇《大漢賢後衞子夫》,因而識到劇中第二男主角徐正曦;在橫店開工兩個月,二人一撻即着,她更急不及待向身邊好友透露戀情。

「以前 Niki拍拖都好低調,就算嗰時同嘉穎一齊,都係收收埋埋,拍咗一段時間先俾大家知。但今次佢好開心,可能 dry咗太耐! Niki對阿曦有讚無彈,話佢孝順又上進,拍拖無耐已經好信對方!」知情者說。

周麗淇入行以來緋聞不多,接受比自己細五年的徐正曦,初時也有點猶豫。其時,人在四十度高溫橫店開工,一度捱到中暑病倒,徐正曦即伺機對周麗淇呵護照顧,開工又一定買定早餐零食,事事周到,終於攻陷寂寞 Niki。

姊弟戀曝光後,有指徐正曦是上海富二代,家底豐厚,身邊朋友都向周麗淇恭賀。

「其實 Niki話過男友有無錢唔緊要,佢係欣賞阿曦好用心做嘢,知佢好想闖一番事業。雖然阿曦高大,又細過 Niki,但思想好成熟唔花弗,又唔鍾意蒲,同 Niki一樣!」 Niki身邊人說。

上月底,徐正曦來港為 Niki慶生,並在女友貝沙灣寓所過夜。

有指徐正曦簽約寰宇後不斷整容執樣,對照 07年照片,他的容貌的確大有分別。

周麗淇睇的中醫,容祖兒也是熟客,由於診症客人不少,其間 Niki一直低頭坐埋一角。

等候診症期間, Niki不停玩手機。

信錯人

入行十四年的 Niki,除了入行初有個製衣太子爺男友 Jordan,一直為人知的戀情只有鄭嘉穎、紗廠太子爺 Eric及現任的徐正曦,緋聞一啲都唔多。

鄭嘉穎 一腳兩船

04年與鄭嘉穎合作《天幕下的戀人》撻着,男方被拍到於女友香閨過夜,又不時孖住做情侶 job,半公開式感情本來穩定,直至 07年鄭嘉穎與佘詩曼合作《法證先鋒 II》搞上,男友一腳踏兩船, Niki仍蒙在鼓裡,到男友與阿佘約會多次斷正,二人 08年尾分手。

太子爺 愈就愈衰

與嘉穎分手後, Niki暗交紗廠太子爺 Eric。有指是家姐周汶錡做紅娘,一直恨結婚生仔的 Niki,對脾氣頗大的 Eric千依百順,可惜物極必反,最終忍唔住,去年正式分手。

好睇唔好食

事實上,徐正曦並不是富二代!○五年他參加 MEN'S UNO入行做 model,之後簽約 Starz People,由於發展平平,很快便返回上海。直至○八年,簽約寰宇旗下,徐正曦再次來港發展,當時是寰宇幫他租了個幾千蚊的單位住。

「簽咗寰宇之後,阿曦正式嚟香港發展,公司最初想幫佢租服務式酒店,但考慮到佢無乜錢,最後先租咗個七千蚊月租嘅單位俾佢住,留咗喺度兩年都無乜嘢做,一○年公司就安排佢返內地發展。」知情者說。

一○年,徐正曦接拍內地劇《男兒本色》,劇中演員有羅嘉良、劉燁,還是新人的他佔戲不多,直至一一年,他夥拍內地小花唐嫣,接連拍了《夏家三千金》及《愛情睡醒了》,才開始被人留意,兩個劇加埋為徐正曦帶來五十萬收入,價錢比初拍劇收十萬倍升。

「拍咗三個劇,話就話賺咗幾十萬,但佢簽俾寰宇,公司抽七成傭,幫佢喺內地租酒店請助手,都要扣番錢,好睇唔好食!」

周麗淇拍內地劇《大漢賢後衞子夫》袋 800萬,比男友徐正曦高出十多倍。

知名度跟周麗淇差一大截的徐正曦,因為姊弟戀才為人識。

去年八月,徐正曦到奧海城睇樓,因為樓價貴最後無買。

首期都無

去年八月,徐正曦計劃置業,原本睇中奧海城,可惜樓價太貴買唔起,最後揀咗近火車站的沙田中心一個三百萬,面積四百呎細單位,但他連首期都唔夠,要向公司借錢先可以上車做業主。

「阿曦不停有劇拍,但知名度始終唔算高,收入好有限。上個月幫佢接 job嘅經理人,都因為交唔到數,索性向公司辭工!」徐正曦身邊人說。

本週二(十月八日),周麗淇由貝沙灣寓所出發到佐敦睇中醫,向她求證是否知道男友並不是富二代,搵錢亦唔多,她若無其事說:「我一早知!一路都係外邊啲人講,佢從來無講過佢有錢!」

徐正曦在上海拍劇,留港的 Niki上週六賀好友甘比生日。

周麗淇憑《好心作怪》在新加坡舉行的「星和無線電視大獎 2013」連奪兩獎。

公司異動

99年,林小明與趙雪英持有的寰宇國際,成功在主板上市。 07年爆出林小明於 97年轉移趙雪英全部身家,事件鬧上法庭,二人 10年正式離婚分身家;林小明獨得寰宇及四個二萬多呎無按揭寫字樓物業,趙雪英則分得九龍塘仍有按揭獨立屋。

11年 8月,林小明放售持有的 5.25%寰宇股權,套現千多萬,今年初,再抵押全部 50.19%股權給財務公司,借款一億。上週五( 4/10),林小明配售 5億股持股,套現 1.31億,持股量由 50.16%降至 20.97%,未能再任公司主席。寰宇股權變動,旗下藝人江若琳、徐正曦,未來發展將受影響。



鍾意就快D Share啦!
Related Posts Plugin for WordPress, Blogger...