台灣天后蔡依林今年以專輯《Pleasure》拿下金曲獎年度專輯獎、最佳演唱錄音專輯獎，並二封最佳華語女歌手獎，而「Pleasure」同名演唱會於8月宣布暫告一段落，唔好以為女神就咁收爐，據悉，明年1月最後兩個禮拜，佢會喺台北大巨蛋連開6場！另有消息指蔡依林前往中歐放生日假之前，已偷偷拍攝完歌曲《inside out》MV，男主角外傳正係今年初於金唱片獎（Golden Disc Awards）後台同佢合照嘅男神許光漢。
據悉，因為蔡依林團隊同外國舞者嘅合約半年簽一次，為保證演出品質，加上蔡依林即將於9月過生日要放長假，確定巡唱第一輪暫告一段落。蔡依林近日於代言記者會上其實已透露口風，表示2027年初將會唱回台北大巨蛋，佢預告：「如果要表演的話會修改一些節目，因為大巨蛋太搶手了，請大家耐心等待。」根據台灣消息指出，回台北大巨蛋時間點就落於元月最後兩個禮拜，預計一口氣將連開6場，另外新加坡等地演唱會正在接洽當中，有望帶埋「慾望巨蟒」等大型道具，一路航向星馬地區。
蔡依林又鬆口指今年下半年會有新MV，歌曲同樣是收錄於專輯《Pleasure》裏，外傳就係《inside out》，而男主角正係紅透台韓地嘅男神許光漢，推測係蔡依林同佢早前於台北大巨蛋舉辦嘅金唱片獎（Golden Disc Awards）典禮時於後台遇到，拍合照之時促成今次嘅合作機會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
